Pas situatës së tensionuar që ndodhi më herët mes Rozanës dhe Gertes në shtëpinë e Big Brother VIP Albania, artistja e njohur është prekur thellë dhe ka shpërthyer në lot në lavanderi.
Momenti emocional i Rozanës ka nxitur ndjeshmëri tek banorët dhe publiku, ndërsa ajo shprehu dhimbjen e saj për situatën personale që po përjeton.
“Ku e di ajo pse kam ardhur unë këtu, ku e di? Shkova iu qajta unë asaj? Kam qarë në ndonjë vend? S’kam qarë në asnjë vend!” – tha Rozana mes lotësh, duke lënë të kuptohet se temat e prekura në debat ishin jashtëzakonisht të dhimbshme për të.
Teksa qante me dënesë, ajo shtoi: “Çfarë faji më ka ai që kam jashtë unë, që unë kam gjithë këto vite që luftoj? Më shumë shkoj unë në spital se doktorët. Unë jam pa shtëpi vetëm për këtë gjë dhe ajo mua ma kujton. Unë s’kam marrë një rrogë timen ta hargjoj, sepse unë gjithë rrogën time sa kam vendosur që të kem fëmijë e kam harxhuar për këtë gjënë dhe ajo më thotë mua që ‘Unë kam një gjë që ti s’e ke'”.
Fjalët e saj, të mbushura me dhimbje dhe zhgënjim, reflektojnë betejat e saj personale jashtë kamerave, duke prekur thellë si banorët ashtu edhe ndjekësit e spektaklit.
Në këtë moment të vështirë, Rozana gjeti mbështetje tek banori tjetër, Gerti, i cili e përqafoi ngrohtësisht duke u përpjekur ta qetësojë. Ky akt solidariteti dhe ndjeshmërie u vlerësua shumë nga publiku, duke treguar anën njerëzore të banorëve përtej lojës.
