Aktori i njohur i Bollywood-it, Saif Ali Khan, i është nënshtruar një operacioni dhe është jashtë rrezikut, pasi u godit me thikë nga një hajdut në shtëpinë e tij gjatë natës.
Sulmi ndodhi herët në mëngjesin e së enjtes në një lagje të pasur në qytetin indian të Mumbait, ku Khan jeton me familjen e tij.
Policia e qytetit i tha BBC se aktori u plagos pasi u përfshi në një përleshje me një burrë të maskuar që hyri në shtëpinë e tij diku pas mesnate.
Policia ka ngritur grupe për të hetuar rastin.
“Khan ka dalë nga operacioni dhe është jashtë rrezikut. Ai aktualisht është në rikuperim dhe mjekët po monitorojnë përparimin e tij”, tha ekipi i Khan në një deklaratë.
Duke folur me gazetarët pas operacionit, Dr Nitin Dange tha se aktori pati një dëmtim të madh në palcën kurrizore të kraharorit për shkak të një thike që depërtoi në shtyllën kurrizore.
Khan është i martuar me yllin tjetër të Bollywood-it, Kareena Kapoor Khan dhe çifti kanë dy fëmijë. Familja nuk ka bërë ende asnjë deklaratë publike, por ekipi i Khan tha se ata ishin të sigurt.
