Ylli i Hollyoaks, Paul Danan, ka vdekur në moshën 46-vjeçare. Aktori luftoi me problemet me frymëmarrjen për muaj të tërë pas përdorimit të tepërt të vape.
Menaxhmenti i tij konfirmoi lajmin e hidhur për ndarjen nga jeta mëngjesin e sotëm, të enjten, 16 janar. Ata e cilësuan atë si një “fener drite për kaq shumë njerëz”. Ai ishte paraqitur në serinë e parë të Celebrity Love Island si dhe në Hollyoaks.
Menaxhmenti i tij tha në një deklaratë: “Me zemrën e copëtuar ne ndajmë lajmin tragjik të vdekjes së @pauldanan në moshën 46 vjeçare. I njohur për praninë e tij televizive, talentin e jashtëzakonshëm dhe dashamirësinë e palëkundur, Paul ishte një fener drite për kaq shumë njerëz.
“Largimi i tij i parakohshëm do të lërë zbrazëti të pazëvendësueshme në jetën e të gjithë atyre që e njohën. Gjatë kësaj kohe të vështirë, ne kërkojmë respekt dhe privatësi për familjen, miqtë dhe kolegët e Paul. Nuk do të bëhen komente të mëtejshme në këtë moment.”
Në qershor të vitit të kaluar, Paul tha se kishte pësuar dështim të frymëmarrjes për shkak të asaj që u përshkrua si përdorimi ‘obsesiv’ i vape smoke.
