Me rastin e ditës botërore kundër kancerit, Princesha e Wales, Kate Middleton, u ka dërguar një mesazh mbështetjeje të gjithë personave që po kalojnë këtë sëmundje.
Në një postim në llogarinë zyrtare të familjes mbretërore në Instagram, ajo publikoi dy foto, disa javë pasi njoftoi se sëmundja e saj kishte kaluar.
“Mos harroni të kujdeseni për gjithçka që qëndron përtej sëmundjes”, shkruante ajo në mesazhin e saj krahas fotos.
Në foto ajo duket e buzëqeshur ndërsa qëndron në një trung të madh peme në pyllin Windsor. Fotoja mësohet se është realizuar nga djali i saj i vogël, Princ Louis.
Natyra, si një burim gëzimi dhe paqeje, duket se ka luajtur një rol të rëndësishëm në jetën e Kate Middleton gjatë vitit të kaluar dhe kjo pasqyrohet në të dyja fotot, shkruan People.
