Lily Collins ka ndarë një foto me vajzën e saj të porsalindur, Tove Jane McDowell, bashkë me një postim emocionues në Instagram.
Aktorja 35-vjeçare dhe bashkëshorti i saj, Charlie McDowell, mirëpritën fëmijën e parë përmes një nëne surrogate pak javë më parë. Në një fotografi bardh e zi, Lily shihet duke mbajtur me dashuri vajzën e saj, ndërsa Charlie ka ndarë një imazh të ngjashëm.
Çifti shprehu mirënjohjen për nënën surrogate dhe për të gjithë ata që i mbështetën gjatë këtij udhëtimi.
Pavarësisht mbështetjes dhe urimeve nga fansat, Collins u përball edhe me kritika nga ata që e shohin surrogacinë si një praktikë problematike.
McDowell iu përgjigj këtyre komenteve negative, duke theksuar se askush nuk ka të drejtë të gjykojë arsyet që i çojnë individët të bëjnë këtë zgjedhje duke kërkuar më shumë empati. Për çiftin, ardhja e vogëlushes është një moment i papërshkrueshëm gëzimi dhe dashurie, duke bërë që Tove të jetë qendra e botës së tyre.
