Xheneta Fetahu ishte e ftuar në Fan Club për të diskutuar mbi situatën në Big Brother VIP Albania, ku Gjesti – ish-partneri i saj nga BBVK – ka nisur një afrimitet me Eglin.
Por, intervista e saj mori një kthesë të papritur, pasi ajo u përball me ndërhyrjet dhe akuzat e gazetarit Ronaldo Sharka.
Që në fillim të bisedës, Ronaldo e sulmoi Xhenetën, duke e akuzuar se po shfrytëzon Gjestin, ashtu siç kishte bërë më parë në Big Brother VIP Kosova.
Ai sugjeroi se Xheneta po krijon aludime me postimet e saj, duke lënë të kuptohet se mund të hyjë në BBVA.
Xheneta e revoltuar: “Mos gënje! Në cilin postim e kam shfrytëzuar?”
Ronaldo: “E ke bërë duke hedhur postime sikur je në Tiranë.”
Xheneta: “Unë kam shumë projekte që më presin në Tiranë edhe në Kosovë.”
Ronaldo: “Projekte nuk janë reklamat e Instagramit, as kremrat që reklamon.”
Xheneta: “Në postimin tim në Tiranë, ku përmendet Gjesti?”
Ronaldo: “Nga e keni gjetur, pashë Zotin?”
Xheneta: “Nga të kanë gjetur ty, zemër, sepse paske ardhur nga rruga këtu.”
Në këtë moment, debati u bë edhe më i tensionuar kur Ronaldo përmendi përjashtimin e Xhenetës nga televizioni.
Ronaldo: “Po ty të kanë përjashtuar për dhunë fizike, moj zemër.”
Xheneta: “Po, sepse më kanë sharë nënën.”
Ronaldo: “Je agresive, mi shpirt. A di cili është skenari yt? Skenari i Xhenetës është i ngjashëm me atë të Big Brother 1-shit, ku Bora Zemani u ballafaqua me Donaldin në shtëpi. Zemër, Gjesti mund të bëhet Donald Veshaj, por ti nuk bëhesh dot Bora Zemani.”
Deklarata e Ronaldos ndezi polemika, ndërsa Xheneta u përpoq të mbrohej, por debati mes tyre vijoi në një ton të ashpër.
