Në episodin e parë të sezonit të gjashtë të "The Kardashians", Kylie Jenner mungoi gjatë një seance fotografike të rëndësishme në Malibu, Kaliforni. Kim Kardashian e përmendi mungesën e saj, duke thënë se do ta "editojnë" në fotot e seancës.
Në një moment, Kris Jenner shprehu se e ndiente mungesën e Kylie-t dhe kishte dëshirë të ishte pranë tyre.
Kylie, nga ana e saj, shprehu se ishin informuar të gjithë për orarin e saj dhe se askush nuk e kishte marrë parasysh, duke theksuar se nuk ishte se nuk donte të ishte aty, por ata nuk e kishin konsideruar të rëndësishme praninë e saj. Ajo shtoi se tani do të bëjë diçka të jashtëzakonshme për të kompensuar mungesën e saj.
Në përgjithësi, Kylie dhe motra e saj, Kendall Jenner, kanë qenë më pak të pranishme në shfaqje krahasuar me motrat e tjera, ndoshta për shkak të preferencave personale për më shumë privatësi.
