Moderatorja e njohur Fatma Haxhialiu, e cila u bë nënë për herë të dytë disa ditë më parë, zbuloi sot emrin e veçantë që ajo dhe bashkëshorti vendosën për djalin e tyre.
Përmes një postimi në Instagram, Fatma bëri me dije se emri që ajo i ka vendosur djalit është Noar.
“Emër i vjetër Ilir referuar lumit Noarus. Në kultura e fe të tjera. Dritë, I ndriçuar, ai që sjell dritën. Referuar ndriçimit të butë të hënës dhe diellit”, shkruan Haxhialiu krahas disa fotove mjaft të bukura të bebes Noar.
Më 5 shkurt Fatma, me anë të një video në rrjetet sociale ndau momentet e veçanta nga lindja e djalit të saj teksa bëri edhe një dedikim të ëmbël ku shprehu lumturinë dhe emocionet për ardhjen në jetë të të voglit.
“4.2.2025 Zoti na bekoi me një tjetër mrekulli. Nuk kam fjalë për emocionet e këtij momenti që nuk përshkruan, vetëm përjetohet dhe lotohet,” shkroi moderatorja.
