Kim Sae-ron, aktorja e njohur koreano-jugore e cila fitoi famë ndërkombëtare për rolet e saj në filma si ‘The Man from Nowhere’ dhe serialin e ‘Netflix Bloodhounds’, u gjet e vdekur në shtëpinë e saj në Seul më 16 shkurt 2025, në moshën 24-vjeçare.
Një mik i ngushtë e gjeti trupin e saj dhe, pas hetimeve të kryera nga autoritetet, u konstatua se vdekja ishte vetëvrasje.
Kim Sae-ron filloi karrierën si aktore në moshën nëntëvjeçare dhe fitoi vëmendje të madhe për rolin e saj në filmin “A Brand New Life”, i cili e çoi atë në Festivalin e Filmit në Cannes.
Ajo, gjithashtu, ka luajtur në filma të tjerë të njohur si “A Girl at My Door” dhe “Listen to My Heart”. Në vitin 2023, ajo u shfaq në serialin “Bloodhounds” të Netflix, i cili u bë një hit ndërkombëtar.
Megjithatë, karriera e saj ndryshoi pas një incidenti në maj 2022, kur ajo u arrestua për drejtim mjeti nën ndikimin e alkoolit.
Kjo ngjarje shkaktoi një reagim të madh publik dhe një periudhë të shkëputjes nga industria e filmit.
Përpjekjet e saj për t’u rikthyer në aktrim u shoqëruan me vështirësi, përfshirë anulimin e pjesëmarrjes në një shfaqje teatrale për shkak të problemeve shëndetësore.
Vdekja e Kim Sae-ron ka tronditur industrinë e filmit dhe fansat e saj në mbarë botën, duke nxitur diskutime mbi rëndësinë e mbështetjes emocionale dhe shëndetit mendor për profesionistët e artit.
