Një moment tensioni ka përfshirë shtëpinë e Big Brother VIP Albania, pasi Egli vendosi të shkëpuste litarin gjatë sfidës, duke e prishur lojën dhe duke çuar gjithë grupin e saj në dënim.
Sipas rregullave të vendosura nga Vëllai i Madh, tashmë grupi do të përballet me një ndëshkim, i cili do të zbulohet në vijim.
Egli, e cila ndodhej në një gjendje të rënduar emocionale pas spektaklit të mbrëmshëm, u shpreh se nuk mund ta vazhdonte më sfidën.
“Nuk jam në terezi, jam shumë e rënduar nga i gjithë Prime-i”, tha ajo, duke argumentuar se kishte nevojë për hapësirë dhe qetësi.
Ky veprim nuk u prit mirë nga Gerta, e cila, e pakënaqur, e akuzoi se ndoshta e kishte bërë këtë me qëllimin për të shkuar në nominim me Rizartën.
Kjo deklaratë e revoltoi Eglin, e cila mohoi çdo qëllim të tillë dhe tha se nuk kishte aspak lidhje me Rizartën.
Teksa zarfi i lojës po lexohej, Egli e pranoi se kishte dyshime që në fillim për aftësinë e saj për ta përballuar këtë sfidë.
“Pikë e zezë nëse dënohemi” u shpreh ajo, duke theksuar se edhe ajo vetë është pjesë e ndëshkimit.
Ky moment ka krijuar tensione të reja në shtëpi, dhe mbetet për t’u parë se si ky dënim do të ndikojë në dinamikat mes banorëve dhe strategjitë e tyre në lojë.
