Hilaria Baldwin zbuloi se nuk e kishte idenë se çfarë ishte një marrëveshje paramartesore kur Alec Baldwin sugjeroi që ta nënshkruanin një para martesës së tyre. Çifti, i cili është i martuar që nga viti 2012, foli hapur për bisedat që kishin bërë para dasmës së tyre në puntatën e parë të reality show-t të tyre “The Baldwins”, që ishte premierë të dielën.
“Pas martesës time të parë me Kim Basinger, thashë: “Le të bëjmë një marrëveshje paramartesore”, kujton aktori 66-vjeçar në një rrëfim para kamerës, ndërsa shton për gruan e tij: “Ajo nuk e pëlqente aspak. I dukej një situatë e pakëndshme”.
Hilaria Baldwin, 41, pranoi se në atë kohë nuk e kuptonte saktësisht se çfarë ishte një marrëveshje paramartesore, megjithatë ajo tha: “Unë do ta nënshkruaj.”
Ajo më pas shtoi: “Tani do ta lexoja përsëri, por më pas thashë: “Nuk do ta nënshkruaj. Nuk dua të mendoj për fundin e lidhjes sime që në fillim”. Në fund, siç zbuloi ajo, Alec Baldwin ra dakord me të dhe ata nuk vazhduan me kontratën.
Seriali i tyre i ri në TLC jep një vështrim në jetën e tyre familjare teksa rritin shtatë fëmijët e tyre, Carmen, Maria dhe Ilaria dhe Rafael, Leonardo, Romeo dhe Eduardo. Alec Baldwin është gjithashtu babai i 29-vjeçares Ireland, nga martesa e tij me Kim Basinger.
