Jennifer Lopez dhe Ben Affleck janë divorcuar zyrtarisht.
Sipas dokumenteve të gjykatës, një gjykatës i Los Anxhelesit miratoi divorcin e tyre më 6 janar dhe ai hyri në fuqi më 21 shkurt, gjashtë muaj pasi J.Lo paraqiti kërkesën për divorc.
Lopez tani ka hequr mbiemrin Affleck nga emri i saj. Pjesa më e madhe e detajeve financiare nuk janë bërë publike, por bëhet e ditur se asnjëri prej tyre nuk do të paguajë mbështetje bashkëshortore për shkak se nuk kanë fëmijë së bashku dhe as çështja e kujdestarisë nuk ishte objekt i kësaj mosmarrëveshjeje.
Lopez dhe Affleck u martuan në vitin 2022, por Lopez bëri kërkesë për divorc në gusht 2024, duke deklaruar se ata ishin ndarë më shumë se një vit më parë.
Domethënë, kjo nuk ishte përpjekja e tyre e parë për romancë, pasi ata e nisën në vitet 2000 dhe luajtën së bashku në filmat “Gigli” dhe “Jersey Girl” të vitit 2004, por u ndanë në të njëjtin vit, për shkak të presionit të publikut.
Njëzet vjet më vonë ata u rikthyen bashkë dhe u martuan, por martesa nuk zgjati shumë.
Ben Affleck u divorcua nga aktorja Jennifer Garner në vitin 2018 dhe ka tre fëmijë me të. Jennifer Lopez ka kaluar katër martesa dhe ka fëmijë me këngëtarin Marc Anthony.
