Shkaku i vdekjes së aktores Michelle Trachtenberg, e njohur për rolet e saj në “Harriet the Spy” dhe “Gossip Girl”, është ende “i papërcaktuar” nga ekspertiza në New York.
Ajo ndërroi jetë të mërkurën në Manhattan, në moshën 39-vjeçare. Familja e saj ka refuzuar kryerjen e një autopsie dhe, pasi autoritetet nuk e konsiderojnë vdekjen të dyshimtë, zyra e ekzaminuesit mjekësor ka respektuar këtë vendim.
Sipas burimeve nga NYPD, aktorja kishte pasur probleme shëndetësore kohët e fundit dhe dyshohet se vdekja e saj lidhet me shkaqe natyrore. Përfaqësuesit e Trachtenberg kërkuan privatësi për familjen dhe nuk dhanë detaje të mëtejshme.
Pas lajmit të hidhur, shumë miq dhe kolegë kanë shprehur homazhe për aktores. Sarah Michelle Gellar dhe Blake Lively ndanë mesazhe prekëse.
