James Harrison, një dhurues i njohur australian i gjakut, i famshëm për shpëtimin e jetëve të më shumë se dy milionë foshnje, ka vdekur në moshën 88 vjeçare. Plazma e tij përmbante një "antitrup të rrallë dhe të çmuar" të njohur si Anti-D, dhe ai dhuroi gjak mbi 1,100 herë, sipas Kryqit të Kuq Australian Lifeblood, që konfirmoi vdekjen e tij në një deklaratë të publikuar të shtunën.
Harrison, i njohur si “Njeriu me Krahun e Artë”, vdiq në gjumë në një shtëpi pleqsh veriore të Sidney-t më 17 shkurt, shkruan CNN sipas deklaratës.
Misioni i tij altruist ishte i frymëzuar nga marrja e transfuzioneve të gjakut pas një operacioni në mushkëri në moshën 14 vjeçare. “James ishte një person i jashtëzakonshëm, me një zemër bujare dhe i angazhuar për një jetë dhurimi”, tha Cornelissen në deklaratë.
“Harrison e shtriu krahun për të ndihmuar të tjerët dhe foshnjat që nuk do t’i njihte kurrë, një numër të jashtëzakonshëm 1173 herë dhe nuk priti asgjë në këmbim”, transmeton KosovaPress.
Njohuria e Harrison për Anti-D shpëtoi jetën e shumë foshnjave, pasi ky antitrup ndihmonte gratë shtatzëna me gjak rhezus-negativ të parandalonin sulmin ndaj qelizave të gjakut të foshnjave të tyre të prekur nga sëmundja e rhezusit.
Ai filloi të dhuronte plazmë në moshën 18 vjeçare dhe e bëri këtë çdo dy javë deri në moshën 81 vjeçare, kufiri i moshës për dhurimin e gjakut në Australi.
Anti-D, i prodhuar me antitrupat e Harrison, ndihmon në parandalimin e zhvillimit të antitrupave RhD gjatë shtatzënisë. Zbulimi i antitrupave të Harrison ishte një ndryshim tërësisht revolucionar për mjekësinë. Harrison mori shumë shpërblime për bujarinë e tij, duke përfshirë Medaljen e Urdhrit të Australisë, një nga nderimet më të larta të vendit.
