Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”.
Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër. Por, të gjithë janë dakord në një pikë: “Big Brother” nuk lë askënd indiferent. Të ftuar sot në “Big Brother Radio” ishin ish-banorët e “BBV4” Tiri dhe Krisa.
Teksa shumë polemika ka ngjallur raporti Tiri-Loredana, ish-banori u shpreh se donte të krijonte një lojë kundër Loredanës:
“Kisha plan ta afroja të bëja një lojë, konkluzioni kuptohet, mbase lidhje jo… Kisha një plan që nuk e realizova dot, do ishte shumë i bukur. Do ta afroja, do kishim ngacmime. Në momentin e duhur do bëja atë që meritonte ajo vajzë. Ishte gati të luante. Me aq pak sa i dhashë unë asaj, ajo e pranonte, edhe pasi u fut Jozi. Hapi sytë tha, okay e bëjmë këtë gjë. Nuk do lidhesha”.
Lidhur me këtë lojë, Krisa komentoi:
“Ma tregoi planin. Isha e bindur që ishte lojë. Dyshimet ishin. Loredana gjatë këtyre ditëve kishte qejf. Ajo donte të vazhdonte. Unë e prisja që Tiri do hakmerrej ndaj Loredanës për daljen time”.
“Loredana bën çdo gjë për lojë. Ajo vajzë bën çdo gjë për të arritur qëllimin”, shtoi Tiri.
