Shoqja e ngushtë e Elia Zaharias, Merita Gashi, në Ditën e Ndërkombëtare të Gruas, i ka reaguar Princit Leka të Shqipërisë, i cili ka publikuar një fotografi bashkë me vajzën e tij duke iu uruar 8 marsin asaj dhe të gjitha grave.
Gashi e ka quajtur hipokrit Princin Leka duke ia kujtuar se është dënuar për dhunë në familje.
“Ty ta kisha ndalu me ligj folë për të drejtat e grave,” shkruan ndër të tjera ajo.
Kujtojmë se në janar të këtij viti, Gjykata e Tiranës shpalli fajtor për dhunë në familje dhe dënoi Princ Leka Zogun me 1 vit burg, por për shkak të gjykimit të shkurtuar dënimi zbriti në 8 muaj.
Megjithatë gjykata vendosi pezullimin e dënimit me burg dhe vënien për 16 muaj në shërbim prove të Princ Lekës me kushtin që gjatë kësaj kohe të mos kryejë asnjë vepër penale.
