Fituesja e edicionit të tretë të “Big Brother VIP Albania”, Egla Ceno, ka shprehur mbështetje për banorin e këtij edicioni, Gjestin, duke e cilësuar atë si një nga më të fortët në shtëpi.
Përmes një postimi në rrjetet sociale, Egla theksoi se Gjesti nuk ka rival brenda shtëpisë dhe se të tjerët ose i afrohen prej frikës, ose nuk guxojnë ta nominojnë.
REAGIMI I EGLA CENOS
Një përqafim të ngrohtë Eglit: Ndjenjat që nuk të kthehen mbrapsht dhembin shumë – por ka shërim!
Sa i përket Gjestit, dua të përgjigjem kështu: Fati i tij është që nuk ka rival aty brenda që ia zbeh tingullin. Disa e kanë “frikë” dhe i afrohen, disa nuk guxojnë as ta nxjerrin në nominim e disa të tjerë nuk dinë as nga ta kapin.
Në kontekstin që është krijuar aty brenda unë jam me Gjestin. Po Po, me atë djaloshin pa shkollë por më i vërteti nga të gjithë. Faleminderit për mosmirëkuptimin!
“Big Brother” shqiptar ngelet një nga spektaklet më të paparashikueshme në TV, por në thelb aty “ruhet” NJERIU.
