Kryetari i degës së VV-së në Mitrovicë dhe nënkryetar i Komunës, Faruk Mujka, ka bërë të ditur se është tërhequr nga gara për deputet.
Mujka përmes një postimi në Facebook ka falënderuar të gjithë delegatët që kanë mbështetur kandidaturën e tij për deputet.
Postimi i plotë:
Të nderuar miq,
Ndihem i nderuar me mbështetjen e aktivistëve të Lëvizjes së Qendrës në Mitrovicë, delegatëve të Këshillit të Qendrës, të cilët nënshkruan dokumentin aplikues por edhe Kryesisë së Lëvizjes në nivel qendrorë për tu bërë pjesë e listës së kandidatëve për Deputetë në zgjedhjet e 14 Shkurtit.
Duke parë rritjen e Lëvizjes dhe nevojën për krijimin e hapësirave për forcat e reja që po na bashkangjiten dita ditës unë vendosa që të tërhiqem nga gara për Deputet të Kuvendit të Republikës së Kosovës.
Besoj se fitorja e Lëvizjes do të jetë plebishitare dhe do të ketë mjaft punë dhe hapësirë për të gjithë për të kontribuar që Republika e Kosovës të jetë shtet ku mbizotëron drejtësia, barazia, zhvillimi ekonomik dhe mirëqenja sociale.
Të bashkuar në fitore të njëpasnjëshme.
