Pas dy dëgjimeve publike që janë mbajtur në Sallën e Kuvendit Komunal, Drejtoria për Financa dhe Zhvillim Ekonomik, sot ka vazhduar me mbajtjen e dëgjimit të tretë me radhë me qytetarë për planifikimin e buxhetit për vitin 2022-2024.
Ky takim është mbajtur me qëllimin që të identifikohen kërkesat dhe sugjerimet e përfaqësuesve të strukturave të gjinisë femërore, përfaqësues të personave me aftësi të kufizuara, si dhe të minoriteteve.
Në këtë takim ishin të pranishëm, zyrtari kryesor financiar, Adem Fazliu, drejtoresha e Administratës së Përgjithshme, Valmire Sylejmani, zyrtarja për Barazi Gjinore, Besa Veseli, dhe udhëheqësi i Njësisë për të Drejtat e Njeriut, Fitim Rama.
Me këtë rast, Zyrtari kryesor financiar, Adem Fazliu, tha se qëllimi i këtyre dëgjimeve është që të bashkëbisedojmë më qytetarët për të bërë një buxhet më të mirë që është në interes të qytetarëve.
Po ashtu ai u ka sqaruar të pranishmëve se ky planifikim është bërë në fillim të këtij viti për aktivitetet e përgatitjes së Draft-Buxhetin e Komunës së Mitrovicës që paraja publike të adresohet aty ku është më e nevojshme.
Duke u bazuar në mundësitë financiare që ka Komuna e Mitrovicës, përfaqësuesit komunal u zotuan se do ti shqyrtojnë kërkesat e tyre, dhe se do t’i japin prioritet atyre më të rëndësishmëve.
