Për nder të festës së 28 Nëntorit, Ditës së Pavarësisë së Shqipërisë, Komuna e Mitrovicës ka zbukuruar qytetin me flamuj kombëtar dhe shtetëror.
“Komuna e Mitrovicës ka zbukuruar qytetin me flamuj kombëtar dhe shtetëror në nderim të 28 Nëntorit, Ditës së Pavarësisë së Shqipërisë. Për të shënuar këtë ditë historike, qyteti është mbushur me flamuj kuq e zi që simbolizojnë krenarinë dhe bashkimin e popullit shqiptar”, thuhet në njoftim.
Nënkryetari i Komunës së Mitrovicës, Arian Tahiri, është shprehur se 28 Nëntori është gjithmonë një ditë festive për Mitrovicën.
Sipas Tahirit, qytetarët mitrovicas e kremtojnë këtë ngjarje me shumë nder dhe krenari.
