Gjatë ditës së sotme në Mitrovicë është mbajtur trajnimi për fuqizimin e grave në zonat rurale.
Ky sesion trajnimi u mbajt me “UN Women”, në kuadër të një projekti të përbashkët me FAO-n, ku Komuna e Mitrovicës është një prej tre komunave përfituese.
“Ky projekt ka për qëllim fuqizimin e grave nga zonat rurale, duke ofruar mundësi zhvillimi dhe mbështetje për rritjen e autonomisë dhe aftësive të tyre”, thuhet në njoftim.
Drejtori i Drejtorisë për Bujqësi dhe Zhvillim Rural, Ferdi Kadriu, ka ofruar mbështetje të plotë për projektin dhe ka theksuar angazhimin e komunës për fuqizimin e gruas.
Ai ka shtuar se “Si komunë, kemi dhënë një kontribut të jashtëzakonshëm për fuqizimin e gruas në Mitrovicë, duke realizuar projekte të ndryshme së bashku me organizatat partnere”.
