Hedhja e gjetheve të panxharit është një gabim i madh që bëhet.
Gjethet e panxharit përmbajnë shumë lëndë ushqyese të cilat për trupin janë vërtet të domosdoshme. Një porcion me gjethe panxhari, rreth 38 gramë, siguron pothuajse gjysmën e dozës së nevojshme ditore të vitaminës A.
Kjo vitaminë është jashtëzakonisht e rëndësishme për imunitetin dhe shëndetin riprodhues, si dhe është e dobishme për shëndetin e lëkurës, së cilës i jep shkëlqim.
Gjethet e panxharit përmbajnë gjithashtu sasi të mëdha të vitaminës C, e cila është e domosdoshme për funksionimin e duhur të sistemit imunitar. Kjo vitaminë është aleati juaj më i mirë në luftën kundër ftohjes dhe gripit, në çdo stinë të vitit. Polifenolet që mund të gjenden në gjethet e freskëta të panxharit përmbajnë veti antioksiduese që mund të reduktojnë dhe trajtojnë inflamacionet e ndryshme në trup.
Gjethet e panxharit përmbajnë gjithashtu antioksidantë të shumtë, si acidi kafeik dhe elagjik. Në gjethet e panxharit, ka më shumë nga këto substanca se në çdo perime tjetër. Ekziston edhe acidi alfa-linolenik (ALA) nga familja e acideve omega-3. Gjethet e panxharit kanë një shije paksa të ëmbël dhe kombinohen në mënyrë perfekte me të gjitha perimet e tjera. Mund të përgatisni një sallatë të shijshme dhe ta shijoni sipas dëshirës. Përveç kësaj, kombinohen mirë edhe me frutat.
Në botën moderne, dyqanet na presin në çdo cep dhe shumëllojshmëria e produkteve që na ofrojnë është e madhe. Por ndonjëherë kjo vetëm e bën situatën më të vështirë. Mund të hasim në një produkt me një datë skadimi të vonuar ose të përfundojmë duke blerë fruta dhe perime të papjekura ose pa shije. E mira është se të gjitha këto gjëra mund t’i shmangni nëse dini këshillat e duhura dhe për këtë arsye mësuam disa truke që do t’ju ndihmojnë të blini produkte të freskëta dhe të shëndetshme.
