Në Madrid u mbajt Festivali i 22-të i Eurovizionit për Fëmijë, me sloganin “Let’s flourish”. Morën pjesë përfaqësues të 17 shteteve dhe fitoren e fitoi Gjeorgjia, përfaqësuesja e së cilës Andrija Putkaradze mori 239 pikë.
Vendin e dytë e zuri Portugalia dhe në vendin e tretë Ukraina.
Rezultatet e konkursit u vendosën bashkërisht nga juria nga të gjitha vendet konkurruese dhe votat e shikuesve nga e gjithë bota që votuan për të preferuarat e tyre në internet.
Spanja ka marrë përsipër organizimin e Eurovizionit për Fëmijë, pasi Franca u tërhoq sërish nga organizimi i festivalit pas dy fitoreve radhazi.
Organizimi iu ofrua Spanjës, si nënkampione në garën e vitit të kaluar në Nice, kështu që në Madrid për herë të parë në pesë dekada e gjysmë po mbahet një event i Eurovizionit.
Në vitin 1969 në kryeqytetin spanjoll u mbajt gara “e madhe” e Eurovizionit, e cila përveçse ishte e vetmja në Spanjë, hyri në histori si e vetmja garë që kishte më shumë se një fitues.
