40% e njerëzve besojnë në fantazma apo shpirtra. Por, një shkencëtar i famshëm, duke përdorur përplasësin e madh të hidronit në CERN, ka arritur në një përfundim mbi këtë temë.
Në kufirin mes Zvicrës dhe Francës, 300 metra poshtë periferive piktoreske të Gjenevës, shtrihet një objekt i gjerë, nëntokësor, pesë kilometra përreth dhe 17 në perimetër. Kjo është një nga arritjet më të mëdha të shkencës.
Duke përdorur magnete super përçues, shkencëtarët vendosin protone kundër njëri-tjetrit, duke i përplasur së bashku me një shpejtësi gati sa të dritës dhe kështu duke krijuar versione të vogla të Big Bengut.
Shkencëtarët regjistrojnë atë që del nga grimcat e reja të cilat rezultojnë nga përplasja. Kjo pajisje ka dhënë disa zbulime të mahnitshme, duke përfshirë njohuritë për prishjen e grimcave dhe zbulimin e “grimcave të Zotit”, që kontrollojnë gjithçka në masë.
Por zbulimi më i madh i kësaj pajisje, që fitoi çmimin Nobel, mbush një vrimë unike dhe lejon shkencëtarët të mbyllin më tej hendekun midis relativitetit dhe mekanikës kuantike. 10,000 shkencëtarë nga e gjitha bota punojnë së bashku në këtë vend, në paqe dhe harmoni.
Feja dhe shkenca nuk e kanë çuar mirë përgjatë shekujve. Dhe polemikat midis të dyjave janë ndezur herë pas here. Megjithatë, duket se besimi në shkencë dhe parimet e saj, të paktën në SHBA, ka qenë relativisht i vazhdueshëm nga mesi i shekullit 20, deri në dy dekadat e fundit.
Kështu, fizikani Brian Cox nga Universiteti i Mançesterit, foli kohët e fundit për një gjë shumë kontroverse. Ai tha, gjatë një interviste për BBC: “Dua të deklaroj diçka. Nuk jemi ardhur këtu të flasim rreth ekzistencës së shpirtrave, sepse nuk ekzistojnë”.
Ai shkoi më tutje dhe shpjegoi: “Nëse shpirtrat do të ekzistonin, ata do të kishin një frekuencë ose grimcë të caktuar të lidhur me to, që korrespondon me njeriun ose trupin, me të cilin ishte bashkëngjitur dikur. Nëse do të ishte kështu, ne do të ishim në gjendje ta zbulonim. Pas gjithë kësaj kohe dhe me gjithë instrumentet tona të përparuara, ne nuk kemi vërejtur asgjë nga afër”.
Cox vazhdoi, “Unë do të thoja se nëse ekziston një lloj lënde që i shtyn trupat tanë, duke i bërë krahët e mi dhe këmbët të lëvizin, atëherë ajo duhet të bashkëveprojë me grimcat nga të cilat janë bërë trupat tanë. Dhe duke parë se kemi bërë matje precize të mënyrave se si bashkëveprojnë grimcat, atëherë pohimi im është se nuk mund të ketë diçka të tillë si një burim energjie që po i shtyn trupat tanë”.
Pra, sipas Cox, nuk ka shpirt në trupin tonë.
