Në përpjekje për të vjedhur një shofer veture, një 450vjeçar tunizian pësoi një infarkt. Ngjarja ndodhi në Brescia të Italisë.
Ai u shpëtua pikërisht nga njeriu që po grabiste, pronari i veturës, i cili kur pa hajdutin që ishte keq, kërkoi ndihmë.
Fatmirësisht aty pranë po kalonte një infermier që i dha ndihmën e parë.
Hajduti i ishte afruar veturës të parkuar dhe kishte shfryrë njërën gomë me thikë.
Personi pa e ditur se çfarë po ndodhte mori mjetet për të ndërruar gomën. Në momentin që ai nisi të ndërronte gomën, tuniziani iu afrua duke i marrë çantën dhe celularin e lënë përtokë, dhe në përpjekje për t’u larguar u ndje keq.
Tashmë hajduti ndodhet në spital i ruajtur nga agjentë policie, por në gjendje të mirë shëndetësore.
