Një grua i ka dhënë motrës së saj më të vogël “shansin e paçmuar për të patur një fëmijë”. 34-vjeçarja tani shpreson të ketë “jo një por dy” fëmijë dhe mjekët janë të emocionuar nga perspektiva për të qenë në gjendje të ndihmojnë më shumë gra.
Ky rast shënon transplantin e parë të mitrës në Britani. Ndërkohë një transplant i dytë i mitrës është planifikuar këtë vjeshtë dhe shpresohet që përfundimisht të kryhet vazhdimisht në vijim, duke përdorur donatorë të gjallë dhe të vdekur.
Shefi i mamisë së NHS Angli, Kate Brintworth, tha: “Kjo është një arritje e jashtëzakonshme nga stafi i NHS, i cili punoi pa u lodhur gjatë për 18 orë, duke i dhënë 35-vjeçares mundësinë e paçmuar për të patur një fëmijë”.
Rreth 50 foshnja kanë lindur në mbarë botën pas transplantimit të mitrës. 34-vjeçarja ka pesë embrione në ruajtje dhe shpresohet që ajo të fillojë trajtimin IVF brenda këtë vit. Dhuruesja, 40 vjeçe, ka dy fëmijë dhe motra e saj, e cila nuk dëshiron të përmendet emri, por është e martuar dhe jeton në Angli, ka lindur me sindromën Type I Mayer-Rokitansky-Küster-Hauser.
Kjo gjendje prek një në 5000 gra dhe do të thotë se qafa e mitrës mungon ose është e pazhvilluar.Në total, 15 000 gra në Mbretërinë e Bashkuar kanë lindur pa një mitër funksionale ose e kanë hequr atë për shkak të kancerit. Deri më tani, shansi i tyre i vetëm për të patur një fëmijë të lidhur gjenetikisht ishte nëpërmjet një surrogati.
Gjatë procedurës, e detajuar në Revistën Britanike të Obstetrikës dhe Gjinekologjisë, mjekët shpenzuan tetë orë e 12 minuta duke hequr mitrën e donatorit, qafën e mitrës dhe tubat fallopiane, më pas operuan motrën e saj për nëntë orë e 20 minuta. Pas 10 ditësh, marrësi ishte mjaft mirë për t’u larguar nga spitali.
