Partia Socialiste e Shqipërisë si parti politike erdhi si një largim apo devijim nga Partia Komuniste e Shqipërisë duke e ndërruar emrin nga PPSH në PS. Reformimi i saj më shumë është një hipokrizi dhe larg realitetit që e karakterizon të majtën europiane.
Partia Socialiste Shqiptare, Diktaturën komuniste e zëvëndësoi me autokracinë arrogante, ekonominë socialiste e shtetërore, investimet, tenderimet ua dhe oligarkëve ishkomunistë që u bënë oligarki edhe politike.
E majta ekstreme komuniste në Shqipëri , Partia Komuniste Shqiptare e cila më pas u konvertuar në Parti e Punës e pastaj nga PPSH në Parti Socialiste ka si përvojë themelimi, ideologjike e praktike komunizmin sllav ruso-serb.
Baza e Partisë Komuniste ka qenë Jugu i Shqipërisë, dhe pushtetin në diktaturë Partia Komuniste e Shqipërisë, forumet më të larta partiake, ish byronë politike, Komitetin Qendror të Partisë, qeveritë, policinë, ushtarakët dhe ishsigurimin famëkeq dhe ofiqet e postet më të larta shtetërore, politike, e deri dhe ato intelektuale, akademike e shkollore, nomenklaturat e tyre, shumica dhe kryesoret kanë qenë nga Jugu i Shqipërisë.
Dhe prandaj edhe sot kjo është arësyeja se bastionet e Partisë Socialiste janë në Jug të Shqipërisë ndërsa nacionalizmi ka bastion Veriun e Shqipërisë, i cili ka qenë kundërshtar i komunizmit dhe prandaj edhe Veriu i Shqipërisë pavarësisht pasurive të jashtëzakonshme minerare, pyjore e hidrike gjatë diktaturës por edhe pas saj mbeti vëndi më i varfër i Shqipërisë.
