17 shkurti është ngjarja më madhështore e Kosovës, si një territor i çliruar nga një okupator gjakatar shumëvjeçarë.
Jemi ne shqiptarët e Kosovës, të cilët të bashkuar duhet ta kremtojmë këtë ditë të madhe dhe po aq të shenjtë, me aktivitete të lloj-llojshme , me vizita në familje te njëri-tjetri , me ndjenja gëzimi dhe entuziazmi .
Duke kujtuar me ndjenjën më të lartë të nderimit dhe respektit ata të cilët nuk e kursyen as jetën e tyre, për këtë ditë të shumë pritur ndër shekujë, për këtë rreze lirie ,që ngrohë në mënyrën më të jashtëzakonshme zemrat tona dhe zemrat e pasardhësve tonë përgjithmonë!
Në këtë ditë të madhe , nuk duhet lënë pa përmendur çdoherë kur e kremtojmë ditën e pavarësisë së Kosovës , se sa herë shqiptarët kanë qenë të bashkuar ,që nga koha e Skënderbeut e këndej.
Ata gjithmonë kanë qenë më të fuqishëm , pra nuk thuhet kot se bashkim bën fuqinë , kjo duhet të na shërbej si motiv frymëzimi për të arritur atje ku e meritojmë dhe duhet të jemi si komb dhe si shtet!
Urime popullit të Kosovës, qytetarëve të Kosovës, pa dallim përkatësie etnie, besimi dhe gjinie, ditën e pavarësisë 17 shkurtin e vitit 2008!
