Po mbushet një vit që nga koha kur je hyrë në pushtet.
Gjatë kësaj kohe kemi dëgjuar mjaft akuza dhe natyrisht edhe kundër akuza.
Çdo herë e keni kritikuar të kalurën... shpesh herë me të drejtë.
Si brenda vendit, ashtu edhe në politikën e jashtme, kurdoherë ishte fajtor politika e dobët dhe grupore e të kaluarës. Është mbushur Kuvendi me akuza dhe kundër akuza. Askund nuk del perspektiva.
Ndaj po i paraqes disa çëdhtje urgjente:
1. Punësimi ka ngelur në vend.
- Kemi ca të punësuar, por nuk kemi ndonjë përmirësim të gjendjes.
- Vazhdon shfrytëzimi i egër në punë.
- Mbrojtja e të punësuarëve nuk ekziston.
2. Çështja sociale dhe ajo e pensionit është e rëndë.
3. Shëndetësia është si mos më keq.
4. Arsimi dhe tërërsisht kultura po ngecin dhe e kemi gjendjen më rëndë se më herët.
5. Investimet në infrastrukturë kanë ngelur tërësisht.
6. FSK nuk është e armatosur mirë dhe në nivel të nevojës.
7. Intergrimet evroatlantike janë në pikën 0.
8. Nuk dihet fare për dialogun Kosovë-Serbi.
Ka dhe shume fusha tjera.
Pyetje:
1. Tregoni popullit të Kosovës se kur do të rregullohen të ardhurat personale minimale dhe sa do të jetë minimumi?
2. Si mendohet të rregullohen çështjet sociale dhe ato të pensionit, si dhe çfarë minimumi do të ketë pesioni i pleqërisë dhe pensionet tjera, ndihmat etj.?
3. Çfarë politike të punësimit dhe të mbrojtjes në punë ka kjo qeveri?
4. Si mendohet të forcohet mbrotja?
- Vetëm me Fondin e Sigurise apo...!?
- Kur do të futet shërbimi ushrarak i obliguar?
5. Cila është politika në raport me shtetet dhe me organizmat ndërkombëtar?
6. Çfarë politike ka Kosova në fushën e infrastrukturës, sepse të gjitha rrugët e filluara kanë mbetur në mes!
- Kur do të vazhdohet me ndërtim?
- Cilat janë planet tjera?
7. Çfarë plani keni për arsim, shkencë dhe kulturë?
8. Si mendoni të rregulloni shëndetësinë?
9. Si mendoni të shtrini sovranitetin në tërësi në Kosovë?
10. Çka planifikoni për të thelluar luftën kundër krimit dhe korrupsionit, kontrabandës etj.?
11. Cila është politika e dialogut me shtetin serb:
-Njohja reciproke?
-Zgjidhja e problemeve teknike pa njohje të shtetit?
- Vazhdimi u gjendjes së njejtë?
Apo cila?
Janë këto disa çështje që vetëm me deklarata mbi të kaluarën dhe përgjegjësit në Kosovë nuk zgjidhen.
Fushat e tilla kërkojnë analiza të detalizuara dhe mbi ato analiza të nxirren planet konkrete për ndërtuar fushat e tilla. Pa e ekzaminuar gjendjen nuk ka perspektivë vendi. Por, ekzaminimi, vetëm me kritika, pa analiza dhe programe konkrete zhvillimore, nuk dërgon asgjëkundi.
Kosovës i duhet perspektiva.
