Në atë që përshkruhet si një postim i zhurmshëm, por ogurzi përmes Telegramit, ish-presidenti rus Dmitry Medvedev, ndër të tjera, ka thënë se qëllimi i Rusisë është të ndërtojë një "Euroazi nga Lisbona në Vladivostok". Raporton Sky News.
Ish-presidenti rus Dmitry Medvedev, 56 vjeç, tha në një deklaratë përmes aplikacionit Telegram se "ka simpatizues nazistë në Ukrainë" dhe se "pjesa e pasionuar e ukrainasve është lutur për një Rajh të Tretë për 30 vitet e fundit,".
Në të njëjtën kohë, ai shkon edhe më larg dhe në arsyetimin e tij vë në dyshim të drejtën e Ukrainës për pavarësi dhe i referohet "një pseudo-historie të shtetësisë ukrainase". Postimi është cilësuar nga Sky News si “i lëkundur”, por edhe “ogurzi”.
Deklarata e Dmitry Medvedev mund të interpretohet se Rusia ka plane më të mëdha për të forcuar fuqinë e saj, në vend që të marrë kontrollin e Ukrainës.
Dyshimi: është më së qartë se Putini dëshiron të rikrijojë perandorinë, ndërkaq Dmitry Medvedev thotë, sipas Sky News, se qëllimi i Rusisë në konflikt është "të ndërtojë përfundimisht një Euroazi të hapur - nga Lisbona në Vladivostok".
Sipas disa vëzhguesve, Putini dëshiron të rikrijojë një perandori ruse në të cilën ai kontrollon të gjitha vendet sllave. Dmitry Medvedev ishte president i Rusisë midis 2008 dhe 2012, kur ai dhe Putin këmbyen vendet e punës – dhe Medvedev u bë kryeministër.
Ai tani është nënkryetar i Këshillit të Sigurimit të vendit.
