Është e drejtë dhe mbi të gjitha e domosdoshme të shpresohet për të arritur suksese, qoftë si individ apo në rastin konkret si parti politike. Megjithatë, shpresa duhet të bazohet mbi punën e jo mbi dëshirën, tek puna jep rezultat e tek dëshira mbetet vetëm iluzion.
Te kjo e dyta duket se ndodhen udhëheqësit e LDK, konkretisht nënkryetari i saj.
Së fundi, Lutfi Haziri bëri parashikimin e shkaurjës në zgjedhje brenda gjashtë muajsh nëse pranohet plani franko-gjerman. Me optimizmin se ky është vit zgjedhor për LDK-në.Lutfi Haziri ka thënë se LDK është shumë afër partisë së parë, dhe se synimi i tyre është me kalu dhe me kthy LDK-në në një subjekt që krijon distancë mes të parit dhe të dytit.
Për Lutën sikur fitorja nuk mjafton, ajo edhe duhet të jetê e thellë, edhe pse i mungon puna në terren.
Të krijohet përshtypja sikur LDK e ka të garantuar fitoren, mes harresës së parimit të zakonshëm në demokraci"kush punon fiton", jo kush rri e ka të sigurt fitoren. LDK e kishte të garantuar fitoren në kohën e Rugovës. Mes misionarit dhe politikanit ka dallim shumë.
Që nga debakli i vitit 2021, LDK s’ka bërë reforma të duhura për ta kthyer veten në rrugën e suksesit, përveç disa afrimeve të njerëzve të konsumuar. Luta i njohur për afrimitetin me PDK-në në rolin e kumbarës në koalicionet e tyre, nuk ka treguar nga i ka të dhënat e rikthimit të LDK-së në parti të parë.
LDK është afër për vendin e tyre. Ajo çfarë më shqetëson mua më së shumti është mendësia e tyre, propaganda pa asnjë bazë e një partie që s’ka treguar cilësi në afrimet e disa prej figurave.
Jeta politike në vend ka nevojë për parti të reformuara, të forta dhe mbi të gjitha cilësore, kështu edhe ngritet kualiteti i politikës si dhe pasurohet skena politike me figura të reja. Mirëpo, suksesi nuk arrihet me ëndrra, përveç me punë serioze dhe cilësore.
