BDI, për 6 muaj që është në opozitë, po mundohet të rregullojë ose të zgjidhë të gjitha problemet dhe vështirësitë tona si shqiptarë këtu në RMV. Edhe pse këto gjëra nuk i ka bërë sa ka qenë në pushtet, e njëjta po mundohet t'i bëjë tani që është në opozitë. E këto punë që premton se do t'i bëjë, kanë qenë detyrë për t'u realizuar kohë më parë. Sa ka qenë në pushtet, BDI sillej sikur të ishte në opozitë, dhe tani, kur është në opozitë, po sillet sikur të ishte në pushtet.
BDI, kohëve të fundit, është vënë në lëvizje dhe aksion, por fatkeqësisht në kohë dhe në pozita të gabuara. Ky subjekt politik ka pasur kohë për të menduar dhe vepruar ndryshe, dhe kjo ka qenë koha kur ajo ka qenë në pushtet, fjalën e kam gjatë 21 viteve të kaluara. Këto çështje që po mundohet t’i zgjidhë tani, BDI do t’i kishte zgjidhur gjatë periudhës sa ka qenë në pushtet, e jo tani.
Në këtë kohë dhe në pozicionin ku ndodhet tani BDI, pra në opozitë, udhëheqësit e saj duhet ta kuptojnë se ka parti të tjera shqiptare që duhet dhe po merren me realizimin e punëve dhe projekteve që BDI duhet t’i kishte bërë dhe përfunduar. Pra, përsëris, janë partitë e koalicionit qeveritar, si VLEN, të cilat janë në pushtet dhe këto e kanë legjitimitetin e shqiptarëve, e jo BDI. Pra, tani subjekti opozitar shqiptar duhet të merret me punët dhe aktivitetet që përkasin një partie në opozitë dhe jo me ato që nuk i takojnë.
Kurbani nuk trashet në ditën e fundit të Ramazanit, ose siç thonë pjesëtarët e fesë Islame, në ditën e Arifes, dhe BDI pikërisht këtë punë po mundohet ta bëjë tani. Në një shkrim timin autorial të shkruar disa vite më parë, kam thënë se nëse doni t’i shihni partitë shqiptare këtu te ne në aksion dhe duke punuar me të vërtetë, këto duhet të qëndrojnë gjithmonë në opozitë e jo në pushtet. Kjo për faktin se ato janë më të frytshme dhe më produktive kur ndodhen në këtë pozicion politik, sesa kur janë në pushtet. Dhe kjo gjë po vërtetohet dita ditës, sepse është një konstatim shumë i vërtetë dhe i saktë i imi.
Ky version është më i qartë dhe më i lehtë për t'u kuptuar, duke respektuar rregullat e drejtshkrimit dhe gramatikës.
