Në një intervistë për të përditshmen gjermane “Merkur”, kryeministri i Shqipërisë, Edi Rama ka deklaruar se bashkimi i Kosovës me Shqiperinë, ka më shumë gjasa të ndodh nëse këto dy vende nuk futen në Bashkimin Evropian. Madje sipas Ramës, konfliktet në Ballkanin Perëndimor do të ndaleshin nëse shtetet bëhen pjesë e familjes së madhe evropiane.
Në një intervistë për të përditshmen gjermane “Merkur”, kryeministri i Shqipërisë, Edi Rama ka deklaruar se bashkimi i Kosovës me Shqiperinë, ka më shumë gjasa të ndodh nëse këto dy vende nuk futen në Bashkimin Evropian. Madje sipas Ramës, konfliktet në Ballkanin Perëndimor do të ndaleshin nëse shtetet bëhen pjesë e familjes së madhe evropiane.
E kritika për qasjen Ramës karshi Kosovës dhe integrimit të Shqipërisë në Bashkimin Evropian ka profesor, doktor Enver Bytyçi.
Sipas Bytyçit, kryeministri i Shqipërisë prej vitesh kritikon në vazhdimësi politikat evropiane ndaj Ballkanit Perëndimor dhe Shqipërisë sa i përket integrimeve.
“Ne tashmë nuk na bën përshtypje, sepse e dimë se kjo është një metodë autokratësh, të cilët në vend të merren me progesin e vendit të tyre, fajësojnë të tjerët për dështimet që ata pësojnë. Kritikat ndaj europianëve të Ramës synojnë të mbulojnë kolapsin ekonomik e politik të drejtimit të tij shtetëror në mbi tetë vite qeverisje. Duke kritikuar Brukselin ai përpiqet që Europa dhe shqiptarët të mos shohin se çfarë ka ndodhur në Shqipëri gjatë dekadës së fundit, kur vendi u kanabizuar tmerrësisht në të gjithë territorin. Kur bandat dhe krimi e mafia bëjnë ligjin dhe diktojnë politikat dhe ligjbërjen në parlament. Kur vendi është në në fundlistën e shteteve të botës sa I përket korrupsionit. Kur liria e medies, e fjalës, e pronës, e grumbullimit etj përkeqësohen vazhdimisht. Kur varfëria është shtrirë kudo dhe zemë vendin e fundit në Europë, si shteti me varfërinë më të madhe. Kur borxhi po shkon drejt 100 përqind të GPD-së dhe shteti dështë nisur drejt kolapsit, kryesisht për shkak të politikave të vjedhjes me PPP-të. Kur migracioni është në shkallën më të lartë në këto 25 vite në Shqipëri. Pra, të gjitha këto dështime Edi Rama kërkon t'i transferojë te ajo që ai e quan "përgjegjësi" e Europës ndaj Shqipërisë”, shprehet Bytyçi.
Sipas tij, Edi Rama po kërcënon dhe fajëson Evropën, duke përdorur Kosovën.
“Evropa në rajonin tonë i ka borxh vetëm Kosovës për liberalizimin e vizave dhe mos-njohjen e saj nga 5 vende anëtare të saj. Madje edhe për t'i dhënë asaj statusin e vendit kandidat. Por vendet e tjera nuk janë viktimë e Europës, janë viktimë e deofrmimit të demokracisë dhe qeverisjes autoritare dhe arrogante të udhëheqësve të tillë, si Edi Rama, Aleksandër Vuçiq, apo Hashim Thaçi deri para 13 muajsh. Por zoti Rama jo vetëm fajëson Europën. Ai edhe e kërcënon atë. Shprehja e tij se Shqipëria e Madhe mund të krijohet nëse nuk integrohemi në BE është një kërcënim prej diletanti politik. Në Europë e dinë më mirë se ne shqiptarët se a mundet e kur mundet që shqiptarët të bashkohen në një shtet të vetëm. Dhe e gjitha lidhet me interesat europiane, jo me interesat për pushtet e pasuritë Edi Ramës apo interesat reale të ne shqiptarëve. Bashkimet sjellin shpërbërje shtetesh. A do të ishte gati Europa dhe SHBA të destabilizojnë rajonin e kontinentin pse Rama apo dikush tjetër kanë interesa personale për ta destabilizuar rajonin e Europën?!”, shprehet profesor Bytyçi për gazetën “Bota sot”.
Më tej, ai thotë se Edi Rama asnjëherë nuk ka synuar Bashkimin Kombëtar.
“Ai, për hatër të Serbisë dhe mikut të tij Vuçiq, ka shkuar deri te pranimi i një bashkimi të Kosovës me Shqiipërinë, por në formën e ndarjes së Kosovës midis Serbisë dhe Shqipërisë. Ky opsion ishte edhe i Milosheviçit. Nëse Rama do të kishte qenë kryeministër në vitet 1990, është e sigurt se ai do të kishte rënë dakord me Milloshin për ta ndarë Kosovën. Madje edhe do të mburrej se "krijova Shqipërinë e Madhe", në fakt të ricunguar!”, thekson Bytyçi.
Profesor, doktor Enver Bytyçi thekson se Edi Rama synon ndarjen e Kosovës mes Shqipërisë dhe Serbisë.
“Kur kryeministri aktual i Shqipërisë flet për bashkim kombëtar ka parasysh pikërisht skemën milosheviçiane të ndarjes së Kosovës midis Serbisë dhe Shqipërisë. Asgjë më shumë. Një Kosovë e ndarë gati në mes i leverdis Edi Ramës, sepse ai pretendon që më ndihmën e aktorëve ekstremistë majtistë në Kosovë të ruajë pushtet të pafundëm e të pakufiizuar. Çdo ide dhe aksion politik i Edi Ramës lidhet me pushtetin e tij politik e të parasë. Asgjë që ai projekton dhe skenarizon nuk lidhet me interesat e shqiptarëve as në Shqipëri, aq në Kosovë. Projeksionet e kryeministrit të Shqipërisë si në politikat e brendshme, si në politikat rajonale e ndërkombëtare janë projeksione të vazhdimësisë dhe përforcimit të pushtetit të tij. Ai nuk ka asnjë ndjesi pozitive për atdheun e kombin. Imagjino një udhëheqës që aplikon metoda perverse të zevendësismit të emërtimit të nënës e të babës me prindi 1 dhe prindi 2! Le të më thotë dikush që ky person ka ndonjë lidhje me kombin e atdheun, kur ai përpiqet të shkatërrojë familjen”, shpjegon Bytyçi.
Ai deklaron se Edi Rama është rreziku më i madh kombëtar për shqiptarët.
“Edi Rama jo vetëm nuk e bën bashkimin kombëtar të njëmendtë, por thjesht mund të konsiderohet si fatkeqësia më e madhe e shqiptarëve në historinë e shtetit shqiptar e për pasojë edhe rreziku më i madh kombëtar! Doktor Berisha e thotë këtë, por e radhit pas Enver Hoxhës. Mund të ketë të drejtë, sepse politikat izalocioniste të Hoxhës ishin akte tmerrësisht anti-kombëtare, ashtu si edhe politikat e tij. Por unë do ta krahasoja qëndrimin e Edi Ramës me qëndrimin e diktatorit shqiptar të viteve 1944-1948 të kohës së miqësisë vëllazërore me Jugosllavinë. Madje ai e motivonte këtë miqësi me Jugosllavinë e Titon, pavarësisht se të njëjtën miqësi kishte me Rankoviçin dhe ekstremistë të tjerë serbë që kishin masakruar shqiptarët. E njëjta gjë është me Edi Ramën. Miqësi të ngushtë me një nga udhëheqësit e gjonocidit serb në Kosovë, Aleksandër Vuçiq!”, nënvizon Bytyçi.
“Në fund mund të them se pas çdo deklarate të Edi Ramës për "bashkim kombëtar", fshihet ndarja e Kosovës, ndryshimi i kufijve dhe luftra e konflikte të reja në rajon, në një kohë kur Serbia është rikthyer në skenën ndërkombëtare si fuqi e padiskutueshme e rajonit. Dhe për këtë kontribut të jashtëzakonshëm ka kryeministri i Shqipërisë, Edi Rama!”, përfundon për gazetën “Bota sot”, profesor, doktor Enver Bytyçi.
