Kryeministri i Kosovës, Albin Kurti pati një përplase me Shefin e Politikës së Jashtme të BE-së, Josep Borell për çështjen e Asociacionit të Komunave me shumicë Serbe në Kosovë
Ky i fundit, kërkoi zbatimin e marrëveshjes.
Për këtë kërkesë të Borrell-it, Kurti u shpreh se marrëveshja për asociacionin nuk ka kaluar Gjykatën Kushtetuese.
Në një prononcim për “Bota sot”, njohësi i çështjeve politike, Islam Krasniqi ka thënë se Bashkimi Evropian po kërkon zbatimin e marrëveshjeve të nënshkruar në Bruksel.
“Ne po harrojmë së atë marrëveshje e kemi nënshkruar vetë në Bruksel, askush nuk na ka shti me zor, e tash edhe BE-ja kërkon që të mbajmë premtimin përderisa jemi zotuar që do t'a ratifikojmë me vendosjen e nënshkrimit në marrëveshje. BE-së i nuk i intereson pse ka ndërruar qeveria, ajo po kërkon zbatimin e marrëveshjeve të nënshkruar në Bruksel”, ka thënë ai për “Bota sot”.
Gjithashtu, Krasniqi ka shtuar se marrëveshja e nënshkruar për krijimin e asociacionit është nënshkruar pa e ditur përmbajtjen e saj.
“Bashkimi Europian pret nga institucionet tona krijimin e asociacionit pasi që është një zotim që ia kemi bërë dhuratë vetit duke e nënshkruar në Bruksel pa e ditur së çka përmban kjo marrëveshje. BE-ja është mësuar nga qeveritë e kaluara të cilat kanë qenë servil ndaj tyre, e që z. Kurti po qëndron prapa fjalës së tij, duke mos lëvizur nga parimi i tij, duke i thënë Borellit në Bruksel së Asociacioni nuk bëhet sepse atë e ka rrwzuar Kushtetuta, pasi që ka qenë në kundërshtim më të, e që për BE-në nuk është problem kjo, sepse ata kishin deklaruar së Kushtetuta e republikës së Kosovës nuk është Kuran as Bibel, ajo mund të ndryshohet vetëm e vetëm për t'i përmbushur kërkesat e politikës serbe në dëm tonë”, ka vlerësuar ai.
Në fund, Krasniqi ka treguar se çfarë duhet të bëjë kryeministri i Kosovës në rastin e asociacionit.
“Kurti duhet ta kuptoj së problemi zgjidhet duke ju qasur, duke krijuar një asociacion sikur të një OJQ-je, sepse BE-ja mund të na kushtëzojnë, siç jemi mësuar nga e kaluara, po ashtu ne duhet të kërkojmë të drejtat për qytetarët në Kosovën Lindore që edhe ne ti rritim apetitet dhe ndoshta edhe BE-ja do të trajtojë më mirë e jo të shkojmë kokë ulur si qyqare dhe me duar në gjepa duke mos kuptuar asgjë”, ka përfunduar Krasniqi për “Bota sot”.
