Ish-Ministri i Drejtësisë në Kosovë, Selim Selimi është shprehur për “Balkan Talks” se Bashkimi Evropian është i paaftë të menaxhojë dialogun Kosovë-Serbi.
Sipas tij është i domosdoshëm angazhimi direkt i SHBA-së dhe i kancelarëve kryesorë evropiane siç janë Berlini, Parisi dhe Londra.
Selimi thotë se SHBA ka ndryshuar qasje për dialogun pasi e sheh këtë proces si zhvillim gjeopolitik dhe kjo i dëshmohet tha ai nga sansionet e fundit për grupet në veri të Kosovës.
Këtë deklaratë e ka komentuar analisti Islam Krasniqi, i cili në një prononcim për “Bota sot”, ka potencuar se Selimi ka të drejtë, duke e pasur parasysh që pas kaq shumë pritjeve ende nuk ka sjellë rezultat dialogu.
Ai shtoi se Serbia nuk e merr seriozisht BE-në, gjë që u vrejt edhe në takimin e shtatorit, andaj ky takim ishte ai takim i cili i bindi të gjithë se çelësi për një marrëveshje është përfshirja e SHBA-ve.
“Është e vërtet ajo që thotë z. Selimi, sepse që me shumë së 10 vite ka filluar dialogu e që s'ka sjellë asnjë rezultat pavarësisht pritjeve të mëdha. Serbia nuk e merrë seriozisht BE-në, sepse me dinakërinë e asaj ajo vetëm e ka shfrytëzuar BE-në duke përfituar në proceset integruese. Ne e pamë takimin e shtatorit në Shtëpinë e Bardhë ku ndërmjetësimin i tyre ishte më ndryshe, i cili kishte cilësinë e një lloj urdhri për të dy vendet, e që ai takim tregoi dhe i bindi të gjithë se përfshirja në dialog e SHBA-ve është çelësi i marrëveshjes në mesë të dyja vendeve. ShBA-të janë të nevojshme të përfshihen direkt në dialog për t'i dhënë një epilog dialogut dhe për të përmbyllur një kapitull shekullorë”, ka përfunduar Krasniqi.
