Javën që po lëmë pas, liderët e “Ballkanit të Hapur”, presidenti i Serbisë, Aleksandar Vuçiq, kryeministri i Shqipërisë, Edi Rama dhe kryeministri i Maqedonisë së Veriut, Zoran Zaev nënshkruan marrëveshje të reja që, siç thanë, kanë për qëllim lehtësimin e bashkëpunimit rajonal.
Ky takim u mbajt në Tiranë më 21 dhjetor, ku liderët nënshkruan marrëveshje për heqjen e lejes së punës, atë për lehtësimin e import-eksporteve të kafshëve të gjalla si dhe për veterinarinë.
Menjëhere pas nënshkrimit të marrëveshjes, në një konferencë për media, kryeministri i Shqipërisë, Edi Rama dha detaje të reja lidhur me marrëveshjet e arritura.
Ai tha se qytetarët e të tria vendeve do të kenë "qasje të menjëhershme dhe të barabartë për lejen e punës dhe të qëndrimit".
Sipas Ramës, marrëveshja për sistemin e integruar elekronik të shërbimeve, do t'i hapë rrugën krijimit të një sistemi të përbashkët elektronik për t’iu "dhënë mundësi të gjithë qytetarëve që duan të marrin shërbime të caktuara – duke filluar nga aplikimet për t’u regjistruar si të pranishëm në vendin tjetër – pa lëvizur nga vendndodhja e tyre".
Ndërkaq, marrëveshja e fundit, sipas Ramës përfshin një sërë pikash, që kanë të bëjnë me lehtësimet në eksporte dhe importe.
Javën që po lëmë pas, liderët e “Ballkanit të Hapur”, presidenti i Serbisë, Aleksandar Vuçiq, kryeministri i Shqipërisë, Edi Rama dhe kryeministri i Maqedonisë së Veriut, Zoran Zaev nënshkruan marrëveshje të reja që, siç thanë, kanë për qëllim lehtësimin e bashkëpunimit rajonal.
Ky takim u mbajt në Tiranë më 21 dhjetor, ku liderët nënshkruan marrëveshje për heqjen e lejes së punës, atë për lehtësimin e import-eksporteve të kafshëve të gjalla si dhe për veterinarinë.
Menjëhere pas nënshkrimit të marrëveshjes, në një konferencë për media, kryeministri i Shqipërisë, Edi Rama dha detaje të reja lidhur me marrëveshjet e arritura.
Ai tha se qytetarët e të tria vendeve do të kenë "qasje të menjëhershme dhe të barabartë për lejen e punës dhe të qëndrimit".
Sipas Ramës, marrëveshja për sistemin e integruar elekronik të shërbimeve, do t'i hapë rrugën krijimit të një sistemi të përbashkët elektronik për t’iu "dhënë mundësi të gjithë qytetarëve që duan të marrin shërbime të caktuara – duke filluar nga aplikimet për t’u regjistruar si të pranishëm në vendin tjetër – pa lëvizur nga vendndodhja e tyre".
Ndërkaq, marrëveshja e fundit, sipas Ramës përfshin një sërë pikash, që kanë të bëjnë me lehtësimet në eksporte dhe importe.
Mirëpo, si duhet të veprojë Kosova në raport me këto veprime që Rama po i ndërmerr pavarësisht që Serbia ka kryer gjenocid në vendin tonë?
Ahmeti: Marrëveshjet e nënshkruara mes Ramës dhe Vuçiq, do të sjellin dëme për Shqipëinë
Analisti politik, Hidajet Ahmeti
Në lidhje me këtë temë, analisti politik, Hidajet Ahmeti, në një prononcim për “Bota sot”, thotë se veprimet e Ramës ndaj Kosovës janë amnistim për Serbinë ndaj krimeve që ajo ka bërë ndaj vendit tonë.
“Veprimet e kryeministrit Rama po e dëmtojnë shtetin e Kosovës dhe de facto po e amnistojnë Serbinë nga krimet që ka shkaktuar në Kosovë. Rama duhet të bëjë veprime politike racionale e jo të thirret në emër të vullnetit të popullit për të keqpërdorur pushtetin legal e legjitim”, thotë analisti.
Sipas tij, këto protesta ndaj Ramës janë mesazh për të, nëse vazhdon kështu do ketë edhe fundin qeveria e tij.
“Qeveria shqiptare duhet ta sheh Kosovën si pjesë të organizmit të saj dhe të veprojë si një trup i vetëm, pasi vetëm në këtë mënyrë mund të shohim dy shtete të fuqishme në rendin ndërkombëtar. Mesazhi i protestës është shumë i qartë për kryeministrin Rama, kuptohet nëse do të reflektojë apo ta vazhdojë këtë logjikë të servilitetit, e cila potencialisht do t’ia shkurtojë jetëgjatësinë Qeverisë Rama”, u shpreh Hidajet Ahmeti për “Bota sot”.
Mulliqi: Rama po vepron kundër Kosovës
Analisti politik Skënder Mulliqi
Ndërsa, analisti tjetër politik Skënder Mulliqi, në një bashkëbisedim me “Bota sot thotë se nisma e Ramës, Vuçiqit dhe Zaevit është nismë e pamatur nga Shqipëria dhe se kështu po e fuqizon Serbinë.
“Nuk do të kishte gjë të keqe nga nisma për integrimeve rajonale , sikur kjo të bëhej në tjera rrethana politike. Kjo nismë apo kjo aleancë trilaterale Vuçiq- Rama- Zaev, e nisur në Samitin e Nishit dhe e cila po vazhdon me takimin e fundit ne Shqipëri, është nismë e pamatur mirë e Ramës, i cili po e fuqizon ekonomikisht dhe politikisht Serbinë në rajon, në kohën kur Serbia e Vuçiqit nuk është reformuar, përkundrazi po i kthehet politikave të viteve te 90-ta të shekullot të kaluar, kur edhe filluan luftërat në ish –Jugosllavi”, thekson ai.
Më tej, ai shton se Rama nuk është dashur të bëjë këtë marrëveshje me Serbinë pasi kjo do të thotë që po i jepet asaj ende shpresë që Kosovën ta bëjë pjesë të saj.
“Ky projekt i minishengenit ballkanik bie ndesh edhe mbi parimet bazë të demokracisë liberale, bie ndesh me atë së Serbia nuk po heq dore nga planet hegjomoniste, duke mos e njohur pavarësinë e Kosovës. Për mua dhe për secilin, edhe për Ramën shumë të pamatur, do të duhej ta kishte parasysh faktin së Serbia nuk e ka hequr nga preambula kushtetuese, Kosovën si pjesë përberëse të saj. Shtrohet pyetja logjike, si mund të kemi integrime rajonale mbi këto baza shoviniste serbe, të cilat e rrënojnë sovranitetin dhe integritetin territorial të Kosovës. Kjo gjë natyrisht e përjashton pavarësinë e Kosovës”, thotë analisti.
Në fund, ai thotë se qeveria Kurti nuk duhet ta pranojë këtë ide të “Ballkanit të Hapur” dhe se integrimi në këto ide mund të vije vetëm kur Serbia pranon pavarësinë e Kosovës.
“Qeveria dhe kryeministri Kurti nuk janë duke e përqafuar idenë e Open Ballkanit, por që duhet kundershtuar atë më fuqishëm kjo duhet të bëhet në të ardhmen. Ballkani i Hapur nuk e ndal krimin e organizuar nëse mendon dikush dhe nuk i bën pushtetet ekzistuese në rajon më liberale, por gjithnjë e më shumë forcon pozitën e tyre autoritare. Kur Kosova nuk e pranon këtë projekt, nuk ka mundësi integrimi dhe as lëvizje të lirë të njerëzve dhe mallrave. Deri sa nuk kemi barabarësi, nuk ka se si të ndodhë as integrimi rajonal. Nuk ka mundësi integrimesh duke e përjashtuar Kosovën si shtet, siç po tentohet nga Vuçiqi. Integrimi do të kishte kuptim vetem nese Serbia e pranon pavarësinë e Kosovës në kufijtë e saj ekzistues”, përfundoi Skënder Mulliqi për “Bota sot”.
