Në Serbi është legalizuar termi ofendues “shiptari” nga gjykatat e atjeshme, edhe pse ata gjithmonë me këtë term u janë drejtuar shqiptarëve të Kosovës, madje edhe mediat edhe zyrtarë të lartë të këtij shteti fqinjë.
E për këtë Këshilli Kombëtar Shqiptar, në Serbi kishte paditur kryepolicin serb Aleksandar Vulin për përdorimin publik të termit ofendues “shiptari”. Por, Gjykata e Apelit në Serbi e refuzon padinë.
Rreth këtij termi nuk ka pasur reagime as nga shteti i Kosovës e as nga bashkësia ndërkombëtare.
Për këtë ka reaguar deputeti shqiptar në Kuvendin e Serbisë, Shaip Kamberi i cili ka thënë se, beteja shqiptare për të drejtën, që të mos fyhen shqiptarët, mbetet të kërkohet në Strazburg.
“Gjykata e Apelit, legalizon ofensivën ofenduese ndaj pakicave të personit, obligim kushtetues i të cilit është dhënia e sigurisë për çdo qytetar pa dallim nacionaliteti, ngjyre, bindje fetare apo çfarëdo bindje tjetër.
Në Serbi është legalizuar termi ofendues “shiptari” nga gjykatat e atjeshme, edhe pse ata gjithmonë me këtë term u janë drejtuar shqiptarëve të Kosovës, madje edhe mediat edhe zyrtarë të lartë të këtij shteti fqinjë.
E për këtë Këshilli Kombëtar Shqiptar, në Serbi kishte paditur kryepolicin serb Aleksandar Vulin për përdorimin publik të termit ofendues “shiptari”. Por, Gjykata e Apelit në Serbi e refuzon padinë.
Rreth këtij termi nuk ka pasur reagime as nga shteti i Kosovës e as nga bashkësia ndërkombëtare.
Për këtë ka reaguar deputeti shqiptar në Kuvendin e Serbisë, Shaip Kamberi i cili ka thënë se, beteja shqiptare për të drejtën, që të mos fyhen shqiptarët, mbetet të kërkohet në Strazburg.
“Gjykata e Apelit, legalizon ofensivën ofenduese ndaj pakicave të personit, obligim kushtetues i të cilit është dhënia e sigurisë për çdo qytetar pa dallim nacionaliteti, ngjyre, bindje fetare apo çfarëdo bindje tjetër.
Kjo është drejtësia e shtetit që po “bën përpjekje” me hy në BE. Ky është problem edhe për z.Borell dhe kreun përkëdhelës të BE-së. Kushtetuesja është vetëm stacioni i radhës. Beteja për të drejtën mbetet të kërkohet në Strazburg”, ka deklaruar Kamberi.
Qarri: Afrimi i Vuçiqit me Ramën, gjykatat e shtetit hegjemonist serb, i kishin duart e lira edhe për një veprim antishqiptar
Gani Qarri për “Bota sot” ka thënë se serbët nga koha e Ilija Garashaninit dhe Vasa Qubrilloviqit ka bërë plane, vetëm për asgjësimin e shqiptarëve dhe kurrë nuk kanë qenë të interesuar për përmirësimin e jetës dhe integrimin e tyre, por vetëm për fyerjen, asimilimin, dëshpërimin total dhe përfundimisht për dëbimin e tërësishëm deri në shqiptarin e fundit, me dhunë dhe të gjitha mjetet dhe mundësitë që ka pasur dhe ka si shtet në dispozicion.
“Fatkeqësisht projekti i Serbisë së madhe sa po vije e po forcohet, edhe me ndihmën e Edvin Kristaq Ramës, përkundër faktit se Serbia pas më shumë se 22 viteve pas luftës, vazhdon të mbetet shteti më armiqësor ndaj shqiptarëve, e cila edhe sot udhëhiqet nga ministrat e Milosheviqit dhe falangat e ish pushteteve të tij, që së fundmi kanë eskaluar në tërbim të hapur, kundër identitetit tonë kombëtar dhe duke mos u mjaftuar vetëm me kërcënime ushtarake, tanimë kanë kaluar edhe në legjitimimin e fyerjeve kolektive ndaj nesh si popull nga gjykatat fashiste të Serbisë okupatore. Në fakt Serbia që nga koha e Ilija Garashaninit dhe Vasa Qubrilloviqit ka bërë plane, vetëm për asgjësimin e shqiptarëve dhe kurrë nuk ka qenë e interesuar për përmirësimin e jetës dhe integrimin e tyre, por për fyerjen, asimilimin, dëshpërimin total dhe përfundimisht për dëbimin e tërësishëm deri në shqiptarin e fundit, me dhunë dhe të gjitha mjetet dhe mundësitë, që ka pasur dhe ka si shtet në dispozicion. Ndaj pas ligjit për pasivizimin e adresave të shqiptarëve në Medvegjë me rrethinë, duke shfrytëzuar afrimin që Aleksandër Vuçiq ka shënuar me Edvin Kristaq Ramën dhe shuarjen e zërit mbrojtës të shtetit amë, për shqiptarët në trojet e veta etnike, nën Serbi, gjykatat e shtetit hegjemonist serb, i kishin duart e lira edhe për një veprim antishqiptar, kështu që në nderim dhe shenjë respekti ndaj Edvin Kristaq Ramës zgjodhën pikërisht momentin e promovimit me aq pompozitet të "Ballkanit të hapur" prej tij, për të aprovuar edhe me ligj, fyerjet publike ndaj shqiptarëve”, thotë analisti Qarri.
Sipas tij, për ta demaskuar plotësisht politikën antishqiptare të shtetit serb e kanë legalizuar përfundimisht dhe "qitur në treg" për përdorim të lirë, termin ofendues “shiptari”, ndaj të gjithë shqiptarëve.
“Për aq më tepër, kjo as që duhet t’i habisë shqiptarët, kur dihet mirë se Aleksandër Vuçiqi me bashkëpunëtor dhe garnitura e vjetër udhëheqëse në Serbi, janë falanga të pushtetit serb të Millosheviqit, që fatkeqësisht edhe sot gjenden në krye të shtetit, kurse veprimet kundër pjesëtarëve të popullit tonë, po demaskojnë plotësisht tërbimin e tij të dëshmuar antishqiptar, që është edhe një argument më tepër për Shqipërinë si shteti amë i të gjithë shqiptarëve dhe Edvin Kristaq Ramën, i cili në vend të mbështetjes së bashkëkombësve, iu ka bashkuar paktit ortodoks ruso-serb të Vuçiqit për të vepruar kundër tyre. Madje për ta demaskuar plotësisht politikën antishqiptare të shtetit serb të udhëhequr nga miku për kokë i Edvin Kristaq Ramës, këto ditë edhe vet Gjykata e Apelit në Serbi e ka legalizuar përfundimisht dhe "qitur në treg" për përdorim të lirë, termin ofendues “shiptari”, ndaj të gjithë shqiptarëve dhe jo vetëm ndaj pjesëtarëve të pakicës shqiptare në Serbi”, deklaron Qarri.
Derisa thotë se kryeministri Kurti duhet të ndërmarr ndonjë veprim institucional përmes institucioneve të shtetit dhe kanaleve diplomatike, për të mbrojtur e shqiptarët nga diskriminimi i hapur nga Serbia fashiste.
“Në anën tjetër edhe kryeministri i Kosovës, në vend se të ndërmarr ndonjë veprim institucional përmes institucioneve të shtetit dhe kanaleve diplomatike, për mbrojtjen e shqiptarëve nga diskriminimi i hapur që Serbia fashiste, publikisht dhe në mënyrë të organizuar po ushtron mbi ta, ai organizon pritje shtetërore për ministrat të Erdoganit dhe argëtohet me pjesëmarrje në përvjetorët e xhamive të BIK-ut, sikur të mos ishte kryeministër shteti, por një hoxhë i avancuar në kryeministër”, thotë me tej ai.
Qarri deklaron se duke parë mosinteresimin total të kryeministrit të Shqipërisë dhe atij të Kosovës për shqiptarët në Kosovën Lindore, bën që edhe Bashkësia Ndërkombëtare të hesht gjithnjë e më tepër dhe të mos merret më seriozisht me problemet e shqiptarëve nën pushtimin e Serbisë.
“Kështu që edhe Bashkësia Ndërkombëtare, duke parë mosinteresimin total të kryeministrit të Shqipërisë dhe atij të Kosovës për shqiptarët në Kosovën Lindore, po hesht gjithnjë e më tepër dhe as që po merret më seriozisht me problemet e shqiptarëve nën pushtimin e Serbisë, duke i lënë asaj duart e lira për defaktorizimin dhe dëbimin e tyre me të gjitha mjetet dhe mundësitë institucionale e ligjore që ka në dorë shteti hegjemonist i Serbisë. Kjo po ndodhë edhe si pasojë e faktit se Vuçiqit ka arritur ta bindë mbarë botën se Serbia është njëra ndër miket më për zemër e Edvin Kristaq Ramës i cili për hir të Aleancës Ortodokse, greko-pansllaviste dhe inat të shqiptarëve të Kosovës e të atyre nën pushtimin serb, as që heq dorë, nga krijimi i Serbisë së Madhe, të iniciuar fillimisht si "mini-shengen" për të pasur në "Ballkan i Hapur, dhe ashtu siç pritet, të përfundojë në Jugosllavinë e tretë, në të cilën do bëhej edhe unifikimi i doganave Serbi-Shqipëri, njëjtë si në kohën e Enver Hoxhës kur edhe gjuha serbe ishte futur nëpër të gjitha shkollat e Shqipërisë, si lëndë e detyrueshme për shqiptarët”, përfundon analiti Gani Qarri për “Bota sot”.
Kelmendi: Kosova do të mbrohet kundër invazionit serb deri në vdekje
Juristi Muhamet Kelmendi ka thënë se me këtë fyerjen ‘shiptari’ gjithmonë u janë drejtuar shqiptarëve, dhe se e përdorin në Kuvendin e Serbisë, në Qeveri dhe në institucione tjera të shtetit kriminal serb.
“Ka kohë që në Serbi nga Gjykata e Apelit është futur fyerja kombëtare "shiptari" ndaj shqiptarëve në fjalimin zyrtar të shtetit serb. Këtë po e përdorin në Kuvendin e Serbisë, në Qeveri dhe në institucione të tjera të shtetit kriminal serb. Shumëherë në formë ofenduese u përdor nga krimineli Vulin dhe Daçiçi në Kuvend. Ata dhe shumë deputetë tjerë serb po e përdorin në Kuvend. Edhe krimineli Vuçiq po e përdor në fjalimin e tij ndaj shqiptarëve të Kosovës. Kjo fyerje është vetëm ndaj kësaj pjese të kombit shqiptar jashtë shtetit amë. Shqiptarët në Shqipëri po thirren "Albanci" nga qeveritarët në Beograd. Shqiptarët e Kosovës, të Luginës së Preshevës dhe në Malin e Zi e në Maqedoni nga Serbia quhen "shiptari"”, ka thënë ai.
Ai thotë, se shteti amë duhet të reagojë, por që nuk reagon sepse i ka futur veshtë në “lesh”, madje ai shton se edhe ndaj shtetit grek, heshtin dhe tolerojnë ofendime kombëtare.
Por, juristi pyet, nëse Kosova fut zyrtarisht në gjuhën shtetërore termin "shkau", çfarë do të ndodhte?
Kelmendi thotë se do të kishim reagime të rrepta nga Beogradi, Borelli e Lajçaku, Franca dhe patjetër nga Rusia.
Pse nuk reagohet!
“Tirana e ka futur veshin në "lesh" dhe fare për asnjë çështje nuk reagon. Si ndaj shtetit serb, ashtu edhe ndaj shtetit grek, heshtin dhe tolerojnë ofendime kombëtare. Prishtina nuk e paraqiti këtë çështje asnjëherë në Bruksel. Kurrë nuk u kërkua nga shteti serb që të ikë nga ofendimi i tillë. E po qe se Kosova do të fut zyrtarisht në gjuhën shtetërore termin "shkau", me siguri se do të kishim qëndrime të rrepta të Beogradit. Kjo të bëhet nga shteti serb dhe nga Borelli e Lajçaku. Mundet edhe nga Franca. Nga Rusia po se po. Por, në ofendimin kombëtar të shqiptarëve me termin "shiptari" që u bë zyrtare në Serbi, hesht Brukseli dhe qendrat tjera në kuadër të BE-së. Z.Borell si zyrtar kompetent i BE-së nuk reagon. Ai hesht dhe për të duket se me rëndësi është raporti me Serbinë. Ndaj Kosovës vepron me ashpërsi zyrtare dhe në emër të BE-së. Z. Lajçak as që i intereson ky ofendim zyrtar i shtetit serb kundruall shqiptarëve. Dhe, në fakt z.Lajçak si përfaqësues i Sllovakisë në BE dhe ndërmjetës, këtë fyerje ndaj nesh po e pranon në heshtje”, deklaron juristi.
Sipas tij, mos kundërshtimi ndaj shtetit serb, ka bërë që Serbia të thellojë agresivitetin ndaj Kosovës.
“Pozicioni i tillë i mos kundërshtimit ndaj shtetit serb, ka bërë që Serbia ta thellojë agresivitetin ndaj Kosovës. Kjo, në njërën anë dhe, në anën tjetër, tolerimet për dhunë dhe për gjenocidin serbomadh në Kosovë, ka krijuar gjendje ku shteti serb nuk dëgjon. Serbia ka fituar besim në mbrojtje nga BE-ja, sikundër nga Rusia dhe 5 shtetet e BE-së, si dhe po armatoset me të madhe. Këtë armatim modern po e bënë Rusia. Dhe edhe për këtë armatim të madh të Serbisë heshtin zyrtarët në Bruksel. Çështja e "Ballkanit të hapur" duket se është vetëm pretekst për t’u armatosur dhe për të shtuar influencën ekonomike dhe njerëzore mbi shtetet që janë "Ballkani i hapur". As Maqedonia e Veriut dhe as Shqipëria nuk mund t’i rezistojnë ndikimit hegjemonist serb. Me anën e kësaj po fiton kohë shteti serb për të intervenuar më vonë ushtarakisht mbi shtetet e tilla, sidomos ndaj Kosovës”, thekson ai.
Në fund shton që Serbisë po i nevojitet "Ballkani i hapur" për të fituar kohë dhe për t’u përgatitur për ripushtime të reja në Ballkanin Perëndimor, por koha ka ndryshuar. Shqiptarët e Kosovës dhe Republika do të kundërshtojnë se “Republika do të mbrohet deri në fund”.
“Kështu bëri edhe në fillim të Luftës së Parë Botërore. Në këtë kohë së bashku me Malin e Zi, me Greqinë dhe me Bullgarinë sulmuan territoret shqiptare dhe masakruan me mijëra e qindra shqiptarë. Pushtuan tërë Shqipërinë dhe e ndan në mes veti edhe Konferenca e Ambasadorëve në Londër, më 1913, pranoi pushtimin e shqiptarëve. Edhe pas LDB-së kështu bëri shteti serb. Në prapavijë dhe me tradhti pushtoi Kosovën. Këtë po përpiqet ta bëjë Serbia përsëri. Këtu po i nevojitet "Ballkani i hapur" për të fituar kohë dhe për t’u përgatitur për ripushtime të reja në Ballkanin Perëndimor. Këtë e dinë në Bruksel. E dinë z.Borell dhe z.Lajçak! E dinë Presidenti i Francës z.Makron! Shumë udhëheqës në BE e dinë. E dinë në Uashington dhe natyrisht se Moska qëndron prapa. Por, koha ka ndryshuar. Shqiptarët e Kosovës dhe Republika do të kundërshtojnë. Nuk është koha e mëparshme për të masakruar shqiptarë. Republika do të mbrohet deri në fund”, përfundon Muhamet Kelmendi për “Bota sot”.
