Viti 2021 solli shumë suksese, sfida, probleme, ngjarje të ndryshme të cilat ndikuan në zhvillimin e mëtutjeshëm të Kosovës.
Mirëpo, krahas situatës pandemike e cila ka pushtuar të gjithë botën, në Kosovë këtë vit mori vëmendje edhe diçka tjetër, e ato janë zgjedhjet qendrore e lokale.
Pa dyshim, mund të themi se ky vit solli ndryshime rrënjësore politike, ku u bënë ndryshime të mëdha dhe të papritura.
Viti filloi me zgjedhjet qendrore të 14 shkurtit, të cilat e bënë revolucionin më të madh politik, ku e vetme Lëvizja Vetëvendosje arriti t’i mposhtë të gjithë subjektet tjera politike dhe fitoi mbi 50 për qind të votave.
Kjo gjë, natyrisht që i detyroi partitë e vjetra politike si PDK dhe LDK t’i hyjnë një reforme të brendshme partiake, duke zgjedhur kryetarët e tyre të rinj.
Kurse, gjatë tetorit u mbajt raundi i parë i zgjedhjeve lokale, në të cilin shumica e komunave përfunduan në balotazh dhe iu nënshtruan raundit të dytë zgjedhor.
Viti 2021 solli shumë suksese, sfida, probleme, ngjarje të ndryshme të cilat ndikuan në zhvillimin e mëtutjeshëm të Kosovës.
Mirëpo, krahas situatës pandemike e cila ka pushtuar të gjithë botën, në Kosovë këtë vit mori vëmendje edhe diçka tjetër, e ato janë zgjedhjet qendrore e lokale.
Pa dyshim, mund të themi se ky vit solli ndryshime rrënjësore politike, ku u bënë ndryshime të mëdha dhe të papritura.
Viti filloi me zgjedhjet qendrore të 14 shkurtit, të cilat e bënë revolucionin më të madh politik, ku e vetme Lëvizja Vetëvendosje arriti t’i mposhtë të gjithë subjektet tjera politike dhe fitoi mbi 50 për qind të votave.
Kjo gjë, natyrisht që i detyroi partitë e vjetra politike si PDK dhe LDK t’i hyjnë një reforme të brendshme partiake, duke zgjedhur kryetarët e tyre të rinj.
Kurse, gjatë tetorit u mbajt raundi i parë i zgjedhjeve lokale, në të cilin shumica e komunave përfunduan në balotazh dhe iu nënshtruan raundit të dytë zgjedhor.
Raundi i dytë u mbajt gjatë muajit nëntor, ku rezultatet ishin befasuese dhe jo të ngjashme me ato të zgjedhjeve, ku LVV fitoi 4 komuna, LDK dhe PDK fituan nga 8 komuna.
Natyrisht, se partitë politike gjatë këtij viti rezultatet e zgjedhjeve i komentuan në bazë të favore të tyre, ku edhe bënë ndërlidhjen e rezultateve ndërmjet zgjedhjeve qendrore dhe lokale.
E në lidhje, me mbarëvajtjen e këtyre zgjedhjeve dhe ndryshimet e mëdha e rrënjësore në politikë i komentuan analistët politik për gazetën “Bota sot”.
Shahu: Populli ne Kosovë është politik, kur duhet mendon e vepron politikisht, reagon kombëtarisht
Njohësi i çështjeve politike, Rexhep Shahu
Njohësi i çështjeve politike, Rexhep Shahu, në një prononcim për gazetën “Bota sot” komentoi zgjedhjet e mbajtura gjatë vitit 2021.
Fillimisht, ai u shpreh se qytetarët e Kosovës reagojnë politikisht, ndërsa reagojnë kombëtarisht.
“Populli në Kosovë është politik, kur duhet mendon e vepron politikisht, reagon kombëtarisht. Është gjë e mrekullueshme që ende ka mbetur ai reagim padi edhe në Kosovë ka hyrë abuzimi e tregtia e votës”, deklaroi analisti.
Në vazhdim, Shahu bëri një krahasim me zgjedhjet në Shqipëri, derisa theksoi se komunat në Kosovë kanë fuqi reale, në Shqipëri bashkitë varen nga ‘lëmosha’ qeveritare.
“Zgjedhjet politike janë në Kosovë gjithmonë pasi komunat në Kosovë kanë pushtet real, ndryshe nga Shqipëria që bashkitë marrin frymë nga mëshira e lëmosha qeveritare. Zgjedhjet politike i fitoi VV, sepse humbën autoritet moral dhe LDK e PDK dhe edhe hodhi mjegull të madhe mashtrimi Albini, duke zëruar gjithë arritjet në Kosovë e duke i bërë te këqij e hajna gjithë politikanët përveç vetes se tij”, nënvizoi ai.
Pas kësaj, analisti komentoi humbjen e partisë në pushtetin qendror, Lëvizjes Vetëvendosje në zgjedhjet lokale.
“Por mashtrimi nuk zgjati, e keqja këputet prej së trashi dhe në zgjedhjet vendore VV u tret si kripa në ujë. Sepse mashtrimi nuk jeton gjatë, pasi opinioni publik në Kosove zgjohet shpejt dhe nuk mund të manipulohet. Qytetarët në Kosovë nuk tolerojnë abuzimin me to”, përfundoi Rexhep Shau për “Bota sot”.
Mehmeti: Viti 2021, fillimi i rilindjes politike të Kosovës
Analisti politik, Faton Mehmet
Ndërsa, analisti tjetër politik, Faton Mehmeti u shpreh se viti 2021 shënon fundin e kastës së vjetër politike në vend.
Gjithashtu, ai në një prononconim për “Bota sot” tha se ky vit ishte fillimi i rilindjes politike në vend.
“Viti 2021 shënon fundin e kastës së vjetër dhe fillimin e rilindjes politike të Kosovës. Kjo dëshmon më së miri se ky vit ishte i mbarë në aspektin politik, ndonëse pandemia ka ndryshuar botën e kjo është vërejtur edhe tek ne”, vlerësoi analisti.
Më tej, Mehmeti potencoi se populli i Kosovës pësoi disa ndryshime të mëdha gjatë vitit 2021, me shpresën që viti 202 do të jetë më i mbarë.
“Në këtë kuptim duhet theksuar se qytetarët e Kosovës kanë përjetuar ndryshime të mëdha në aspektin politikë, me shpresën se 2022 do të jetë më i mbarë. Dua të theksoj se Kosova dëshmoi pjekuri politike, të cilën gjë e pasqyroi me 14 shkurt”, nënvizoi ai.
Krejt në fund, ndër të tjera, analisti tha se 2021 “shënoi përfundimin e krahut të luftës, atyre që në emër të luftës për 21 vite kanë zhvatur popullin”.
