Autoritetet amerikane me 8 dhjetor të këtij viti kanë futur në listën e sanksioneve një grup të organizuar ndërkombëtar serb kriminal, që përbëhet nga serbët nga Kosova: Milan Radoiçiq, Zvonko dhe Zharko Veselinoviq, Srgjan Vuloviq, Zhelko dhe Andrija Bojiq dhe Radulle Steviq.
Në komunikatën e Departamentit Amerikan të Thesarit, Zvonko Veselinoviqi identifikohet si udhëheqës i Grupit të Krimit të Organizuar Ndërkombëtar dhe gjithashtu si një nga figurat më famëkeqe të korrupsionit në Kosovë.
Gjykata Themelore në Prishtinë ka miratuar kërkesën e Prokurorisë Speciale dhe ka lëshuar fletë-arrestim vendor dhe ndërkombëtar për Veselinoviqin, nën dyshimet se ai ka kryer disa vepra penale, përfshirë “pjesëmarrje e organizim i grupit kriminal”.
“Ju njoftojmë se Gjykata Themelore në Prishtinë – Departamenti Special – duke vepruar sipas kërkesës së Prokurorisë Speciale të Republikës së Kosovës, ndaj të pandehurit Z.V., ka lëshuar urdhërarrest, letër-rreshtim vendor dhe letër-rreshtim ndërkombëtar, bazuar në dyshimin e arsyeshëm se ka kryer veprat penale “Pjesëmarrja ose organizimi i grupit kriminal”, nga neni 283, paragrafi 3 lidhur me nenin 174 paragrafi 3, neni 365 paragrafi 4 dhe neni 179 të Kodit Penal të Republikës së Kosovës”, thotë zëdhënësja e kësaj gjykate Mirlinda Gashi.
Mirëpo, ky fletarrestim nga policia dhe prokuroria e Kosovës vjen pas disa jave, duke lënë në pikëpyetje, pse është dashur kaq shumë kohë për të lëshuar Kosova një fletarrest?
Autoritetet amerikane me 8 dhjetor të këtij viti kanë futur në listën e sanksioneve një grup të organizuar ndërkombëtar serb kriminal, që përbëhet nga serbët nga Kosova: Milan Radoiçiq, Zvonko dhe Zharko Veselinoviq, Srgjan Vuloviq, Zhelko dhe Andrija Bojiq dhe Radulle Steviq.
Në komunikatën e Departamentit Amerikan të Thesarit, Zvonko Veselinoviqi identifikohet si udhëheqës i Grupit të Krimit të Organizuar Ndërkombëtar dhe gjithashtu si një nga figurat më famëkeqe të korrupsionit në Kosovë.
Gjykata Themelore në Prishtinë ka miratuar kërkesën e Prokurorisë Speciale dhe ka lëshuar fletë-arrestim vendor dhe ndërkombëtar për Veselinoviqin, nën dyshimet se ai ka kryer disa vepra penale, përfshirë “pjesëmarrje e organizim i grupit kriminal”.
“Ju njoftojmë se Gjykata Themelore në Prishtinë – Departamenti Special – duke vepruar sipas kërkesës së Prokurorisë Speciale të Republikës së Kosovës, ndaj të pandehurit Z.V., ka lëshuar urdhërarrest, letër-rreshtim vendor dhe letër-rreshtim ndërkombëtar, bazuar në dyshimin e arsyeshëm se ka kryer veprat penale “Pjesëmarrja ose organizimi i grupit kriminal”, nga neni 283, paragrafi 3 lidhur me nenin 174 paragrafi 3, neni 365 paragrafi 4 dhe neni 179 të Kodit Penal të Republikës së Kosovës”, thotë zëdhënësja e kësaj gjykate Mirlinda Gashi.
Mirëpo, ky fletarrestim nga policia dhe prokuroria e Kosovës vjen pas disa jave, duke lënë në pikëpyetje, pse është dashur kaq shumë kohë për të lëshuar Kosova një fletarrest?
Kelmendi: Dhuna kriminale vjen nga shteti i Serbisë lidhur me grupet e interesit në Kosovë
Muhamet Kelmendi
Në lidhje me këtë temë në një prononcim për “Bota sot”, juristi Muhamet Kelmendi, thotë që policia e Kosovës është e varur nga politika në vend dhe për këtë arsye i janë nevojitur disa javë për të nxjerrë një fletarrestim për kriminelin Veselinoviç.
“Policia e Kosovës është e varur shumë nga politika në vend. Ndërsa, njerëzit e politikës, veprojnë sipas udhëzimeve të 5-të në Kosovë. Nuk ka ndonjë fakt tjetër pse Prokurorisë së Kosovës iu deshën disa javë për të nxjerrë një fletarrestim për kriminelin me seli në Veri, Zvonko Veselinoviç. Nuk do fare prova për të konstatuar se ky dhe të tjerët kriminelë që vepron në veri janë të lidhur me Qeverinë e Serbisë, përkatësisht me klikën kriminale të Vuçiqit dhe të Daçiqit, me udhëheqësit e shtetit serb”, u shpreh ai.
Çdo shtet që ka njohuri me Ballkanin e njeh mirë klikën shoveno-fashiste serbe.
Ai më tej thotë se shtetet e din që Vuçiqi, ashtu edhe Daçiqi, Vulini, vijnë nga klika fashiste e Milosheviçit dhe se të gjithë këta politikan përcaktojnë punët kriminale në Serbi, për këtë arsye është vonuar fletarresti.
“Shtetet e dinë se si Vuçiqi, ashtu edhe Daçiqi, Vulini etj., vijnë nga klika fashiste e Millosheviçit. Ata si të ri janë rekrutuar për këtë kohë dhe tash veprojnë. Kjo klikë e ka përgjegjësinë, udhëheqjen dhe përcakton punët kriminale të kriminelëve serbë në Veri. Këtu del edhe vonesa e fletarrestit për kriminelin Zvonko Veselimoviq. Vështirësitë janë jashtë Kosovës. Jo në Kosovë. Ato gjenden në raportet gjeostrategjike të shteteve mbi Ballkanin Perëndimor”, thotë juristi.
Kelmendi më tutje thotë se Kosova ka kapacitet të shtrijë ligjin në çdo cep të vendit, mirëpo nuk po e lejojnë shtetet e fuqishme.
“Interesat e shteteve të ndryshme janë të ndryshme. Kështu që edhe veprimet e organeve të Kosovës janë të kufizuara. Përndryshe, Republika e Kosovës ka kapacitete për të shtrirë ligjin në çdo cep të vendit. Këtë nuk po e lejojnë shtetet e fuqishme, lidhjet që janë midis tyre dhe interesat gjeostrategjike, ekonomike dhe politike”, thotë Kelmendi.
Nga ana tjetër, ai shton se Serbia po kryen vepra kriminale të rrezikshme dhe po kërcënon Kosovën me armë moderne e këtu përfshihet kjo vonesë e fletarrestit.
“Tash kjo gjendje po dihet nga Serbia. Ata po e përdorin këtë dhe po kryejnë vepra kriminale të rrezikshme. Po kërcënojnë Kosovën dhe po armatosen me armë moderne për të vepruar. Mbi këtë është krimi dhe kontrabanda serbe. Këtu del vonesa e fletarrestit dhe veprimet kriminale, sikundër i kanë parë me bllokimin e rrugëve, me kontrabandën dhe me krimet tjera”, theksoi Kelmendi për “Bota sot”.
Burjani: Fletarrestimi kërkon kohë për të u hulumtuar
Blerim Burjani
Ndërsa, juristi tjetër, Blerim Burjani në një bashkëbisedim me “Bota sot”, thotë se kjo është çështje që kërkon hetim dhe mbledhje të fakteve, duke përfshirë edhe dëgjimin e dëshmitarëve.
“Kjo është çështje hetimi dhe mbledhje të fakteve, zbulimi i veprave të kryera penale, dëgjimi dhe marrja në pyetje të dëshmitarëve”, thotë ai.
Në fund juristi thotë se arritja e sa më shumë fakteve ka sjellë deri në fletarrestin për Veselinoviçin.
“Pra, ka shumë faktor deri në vendimmarrje edhe pse mund të dihen provat, ato duhet verifikuar dhe natyrisht merr kohë verifikimi”, përfundoi Burjani për “Bota sot”.
