Disa ditë më parë kryeministri i Shqipërisë, Edi Rama nxiti debat duke shpalosur idenë se Shqipëria mund ta ketë një kryetar shteti, që vjen nga ‘territori shpirtëror i Kombit tonë’, dikush që mund të jetë jashtë kufijve të Shqipërisë londineze.
Në mbledhjen e Grupit Parlamentar të Partisë Socialiste, Rama u shpreh se në harkun kohor të këtyre zhvillimeve, në muajin prill duhet ta zgjedhin Presidentin e Republikës dhe se do ta zgjedhë ky Grup parlamentar në radhë të parë.
Kryeministri Rama shtoi se, e kanë përgjegjësinë e madhe qytetare, politike dhe kushtetuese që t’i japin popullit shqiptar në krye të shtetit një njeri normal në radhë të parë, një kryetar apo kryetare shteti që t’i kthejë normalitetin njerëzor, moral dhe institucional zyrës së Presidentit të Republikës.
Rama nuk e përjashtoi mundësinë e një zgjedhje të presidentit nga diaspora.
“Nuk do të bjerë nga qielli, me siguri do gjendet mes nesh këtu, në mes nesh në territorin e Republikës së Shqipërisë apo në territorin shpirtëror të Kombit tonë, sepse mund të jetë edhe jashtë Republikës së Shqipërisë, por e kemi detyrim që t’i japim asaj zyre mundësinë që për 5 vitet e ardhshme të ketë një njeri normal, një qytetar normal, një figurë moralisht dhe profesionalisht normale”, u shpreh Rama.
Meta i kundërpërgjigjet Ramës
Disa ditë më parë kryeministri i Shqipërisë, Edi Rama nxiti debat duke shpalosur idenë se Shqipëria mund ta ketë një kryetar shteti, që vjen nga ‘territori shpirtëror i Kombit tonë’, dikush që mund të jetë jashtë kufijve të Shqipërisë londineze.
Në mbledhjen e Grupit Parlamentar të Partisë Socialiste, Rama u shpreh se në harkun kohor të këtyre zhvillimeve, në muajin prill duhet ta zgjedhin Presidentin e Republikës dhe se do ta zgjedhë ky Grup parlamentar në radhë të parë.
Kryeministri Rama shtoi se, e kanë përgjegjësinë e madhe qytetare, politike dhe kushtetuese që t’i japin popullit shqiptar në krye të shtetit një njeri normal në radhë të parë, një kryetar apo kryetare shteti që t’i kthejë normalitetin njerëzor, moral dhe institucional zyrës së Presidentit të Republikës.
Rama nuk e përjashtoi mundësinë e një zgjedhje të presidentit nga diaspora.
“Nuk do të bjerë nga qielli, me siguri do gjendet mes nesh këtu, në mes nesh në territorin e Republikës së Shqipërisë apo në territorin shpirtëror të Kombit tonë, sepse mund të jetë edhe jashtë Republikës së Shqipërisë, por e kemi detyrim që t’i japim asaj zyre mundësinë që për 5 vitet e ardhshme të ketë një njeri normal, një qytetar normal, një figurë moralisht dhe profesionalisht normale”, u shpreh Rama.
Meta i kundërpërgjigjet Ramës
Natyrisht që karshi kësaj deklarata indiferent nuk mbeti presidenti Meta, i cili iu drejtua Ramës që me miratim të tij është bërë president.
Meta i shprehu suksese Ramës në këtë drejtim.
“Unë nga socialistët jam propozuar dhe ka qenë vetoja e tij që të bëhesha president. Kam mbajtur angazhimin e tij që nuk gjenim dot një president më të mirë për opozitën. Kam qëndruar besnik i asaj që kam thënë në Parlament që midis pushtetit dhe demokracisë do mbaj anën e demokracisë. I uroj suksese (Ramës) në këto përpjekje për t’i rritur dinjitetin Parlamentit, siç ia ka shtuar prej viteve, bashkive, siç ia ka shtuar prej viteve parlamentit, siç ua ka shtuar prej vitesh dhe presidentit ku kjo mazhorancë do ketë mundësi të kap këtë institucion”, u shpreh Meta.
Padyshim që reagime ka pasur edhe nga opinioni publik duke vënë në pikëpyetje se kush mund të jetë presidenti i radhës në Shqipëri.
Analistët politik për “Bota sot”, thonë se kryeministri Rama në vazhdimi bënë këso deklarata për të tërhequr opinionin publik.
Sipas tyre Rama po kërkon një president që i bindet në planet që thur ai.
Mehazi: Baton Haxhiu mund të bëhet “presidenti kukull” i Ramës
Sulejman Mehazi
Në lidhje me këtë temë profesori Sulejman Mehazi në një prononcim për “Bota sot”, u shpreh se Rama është i njohur për këso spektakle politike.
Sipas tij Baton Haxhiu mund të jetë personi i radhës që do të mund të jetë në krye të Shqipërisë.
“Kryeministri i Shqipërisë, Edi Rama, është i njohur me spektakle politike, është mjeshtër psiko-politik i mediave shqiptare, si përherë, këtë mjeshtri politike mediatike, Edi Rama, e shpreh edhe me rastin e presidentit të ardhshëm të Shqipërisë, i cili deklaroi se mund të jetë jashtë kufinjve administrativë të Shqipërisë, nga Kosova, RMV-ja e Diaspora. Po të pyesim, se, cili mund të jetë personi më i dashur i Edi Ramës për t'u bërë president i Shqipërisë?, pa mëdyshje e hamendje mund të themi, se, ai është i dashuruari i Edi Ramës, Baton Haxhiu i Kosovës, i cili do vepronte kundër kryeministrit të Kosovës, Albin Kurtit e do përkrahë idetë politike të kryeministrit Edi Ramës dhe presidentit të Serbisë, Aleksandar Vuçiqit me Ballkanin e Hapur”, u shpreh profesori.
Më tej, ai thotë se Haxhiu është i vetmi që i përket politikës së Ramës dhe përkrah “Ballkanin e Hapur”, andaj ai mund të bëhet presidenti kukull i Ramës.
“Jashtë Shqipërisë Edi Rama nuk ka më të afërt sesa Baton Haxhiun i cili ideologjikisht e politikisht shkon sipas tekeve të Edi Ramës, Hashim Thaçit, Aleksandar Vuçiqit e Ballkanit të Hapur e është kundër Kosovës e qeverisë së Albin Kurtit. Shanset më të mira për t'u bërë presidenti kukull i Edi Ramës është vetëm Baton Haxhiu, askush tjetër”, u shpreh Mehazi për “Bota sot”.
Zeqa: Kryeministri Rama nuk mund ta zgjedhë presidentin me “teke” të tij
Florim Zeqa
Ndërsa, analisti politik Florim Zeqa në një bashkëbisedim me “Bota sot”, thotë se ky propozim i Ramës të kujton deklaratën që ai e kishte bërë para katër viteve.
Sipas analistit zgjedhja e presidentit bëhet në përputhje me Kushtetutën dhe ligjet andaj Rama duhet ta ketë parasysh këtë.
“Propozimi i kryeministrit Edi Rama, që një president i Shqipërisë mund të jetë dikush që nuk është vetëm nga Shqipëria, të kujton deklaratën e tij të katër viteve më parë “për një president të përbashkët Kosovë-Shqipëri”! Shqipëria si një shtet sovran dhe i pavarur, zgjedhjen e drejtuesve shtetëror duhet ta bëjë në përputhje me Kushtetutën dhe ligjet që burojnë prej saj. Në Kushtetutën e Republiks së Shqipërisë është e përcaktuar qartë mënyra e zgjedhjes së presidentit. Çdo tendencë e ikjes nga rregullat e përcaktuara për zgjedhjen e presidentit nga Edi Rama janë të jashtëligjshme dhe antikushtetuese”, thotë ai.
Analisti më tej thotë se presidenti nuk mund të zgjidhet sipas tekeve të Ramës.
“Presidenti i Republikës sipas Kushtetutës së Shqipërisë është kryetari i shtetit e jo kryetar i të gjithë shqiptarëve. Andaj, për zgjedhjen e presidentit të Shqipërisë sipas shijeve dhe tekeve të kryeministrit aktual, Shqipëria paraprakisht duhet të ndërrojë kushtetutën dhe sistemin qeverisës parlamentar, respektivisht kalimin në sistemin monarkist”, shprehet Zeqa.
Nga ana tjetër analisti përmend disa nga kriteret që një president i ardhshëm duhet të ketë duke shtuar që Rama po kërkon dikë që përkrahë “Ballkanin e Hapur”.
“Siç dihet kushtet për zgjedhjen e Presidentit të Republikës së Shqipërisë janë të përcaktuara në nenin 86 të Kushtetutës.
Sipas këtij neni Presidenti i Republikës është kryetar shteti dhe përfaqëson unitetin e popullit. Si president mund të zgjidhen vetëm personat me moshën mbi 40 vjeçare me shtetësi shqiptare nga lindja dhe që së paku dhjetë vitet e fundit i kanë kaluar në Shqipëri.
Dëshira e Edi Ramës që të kalojë kufijtë e shtetit shqiptar për zgjedhjen e presidentit duket të jetë tendencioze për mbulimin e dështimeve apo më mirë të themi të veprimeve antikombëtare me “Mini Shëngenin” e transformuar në “Ballkani i Hapur” i cili cenon interesat e shqiptarëve në Ballkan, e në veçanti të Republikës së Kosovës, e cila përveç mungesës së respektit ndaj shtetasve kosovar, e rrezikon Kosovën të kthehet nga një shtet sovran në koloni të Serbisë”, theksoi analisti.
Në vazhdim Zeqa potencoi që zgjedhja e presidentit duhet të bëhet ekskluzivisht nga personalitete unifikuese brenda kufijve shtetërorë dhe në përputhje të plotë me Kushtetutën.
“Edhe pse në kaluarën kemi pasur përvoja (të panevojshme) të emërimit të ministrave në të dy qeveritë shqiptare (Kosovës dhe Shqipërisë) jashtë kufijve shtetërorë, zgjedhja e presidentit duhet të bëhet ekskluzivisht nga personalitete unifikuese brenda kufijve shtetërorë dhe në përputhje të plotë me Kushtetutën. Ndryshe, jo që nuk do të fuqizohemi asnjëherë si dy shtete shqiptare në Ballkan, do të dalim qesharak para botës dhe do të mbetemi të papërfillshëm nga bashkësia ndërkombëtare”, potencoi ai.
Në fund analisti thotë se Shqipëria dhe Kosova mund të vazhdojnë bashkëpunimin mes veti pa “huazuar” presidentët siç po synon Rama.
“Shqipëria dhe Kosova e ndihmojnë njëra tjetrën duke bashkëpunuar në mënyrë reciproke si dy shtete të pavarura shqiptare në Ballkan e jo duke i “huazuar” presidentët, ministrat apo kryeministrat siç pretendon Edi Rama me privatizimin e institucioneve shtetërore të Republikës së Shqipërisë”, përfundoi Zeqa për “Bota sot”.