Ditë më parë është bërë me dije që Forca e Sigurisë së Kosovës pritet të pajiset nga SHBA-ja me 4 fluturake të vëzhgimit dhe filmimit. Ky lajm është bërë i ditur nga një medium amerikan, i cili bëri me dije që Kosova përmes programit FMS, do të marr pajisje “RQ-20 Puma Long Endurance (LE) UAS” të prodhuara nga AeroVironment.
Sipas Shephard Defense Insight vlerëson se Kosova ka porositur gjithsej 40 njësi, ku kostoja për një njësi llogaritet se kap shifrat e 215 mijë dollarëve.
Puma LE janë fluturake, të cilat lëshohen me duar dhe shërbejnë për mbikëqyrje territorit, mund të qëndrojnë në ajër 5,5 deri në 6,5 orë, ndërsa kanë të instaluar një bateri Puma Smart 2500.
Të menjëhershme qenë komentet nga ky lajm duke e cilësuar si një hapë të rëndësishëm për Kosovën e sidomos një ndihmë e madhe për FSK-në.
Mirëpo, pas këtij lajmi shefi për Komunikim Strategjik në Ministrinë e Mbrojtjes, Sefer Isufi, ka thënë se nuk janë 40 flutarake që janë blerë nga SHBA-ja, por janë katër të tilla.
“Në numrin e dronëve të cekur prej 40 copë, fjala është për projektin e blerjes së katër dronëve të propozuar nga ministri Mehaj dhe miratuar nga ana e Qeverisë qysh para shtatë muajve”, ka thënë Isufi.
Ai tutje theksoi që ky është vetëm njëri prej projekteve të shumta që kanë kontraktuar me Shtetet e Bashkuara.
Ndryshe, trupat amerikane që shërbejnë në Kosovë në kuadër të misionit paqeruajtës të KFOR-it dihet se kanë përdorur ‘Puma’ për misionet e mbikëqyrjes kufitare.
Ditë më parë është bërë me dije që Forca e Sigurisë së Kosovës pritet të pajiset nga SHBA-ja me 4 fluturake të vëzhgimit dhe filmimit. Ky lajm është bërë i ditur nga një medium amerikan, i cili bëri me dije që Kosova përmes programit FMS, do të marr pajisje “RQ-20 Puma Long Endurance (LE) UAS” të prodhuara nga AeroVironment.
Sipas Shephard Defense Insight vlerëson se Kosova ka porositur gjithsej 40 njësi, ku kostoja për një njësi llogaritet se kap shifrat e 215 mijë dollarëve.
Puma LE janë fluturake, të cilat lëshohen me duar dhe shërbejnë për mbikëqyrje territorit, mund të qëndrojnë në ajër 5,5 deri në 6,5 orë, ndërsa kanë të instaluar një bateri Puma Smart 2500.
Të menjëhershme qenë komentet nga ky lajm duke e cilësuar si një hapë të rëndësishëm për Kosovën e sidomos një ndihmë e madhe për FSK-në.
Mirëpo, pas këtij lajmi shefi për Komunikim Strategjik në Ministrinë e Mbrojtjes, Sefer Isufi, ka thënë se nuk janë 40 flutarake që janë blerë nga SHBA-ja, por janë katër të tilla.
“Në numrin e dronëve të cekur prej 40 copë, fjala është për projektin e blerjes së katër dronëve të propozuar nga ministri Mehaj dhe miratuar nga ana e Qeverisë qysh para shtatë muajve”, ka thënë Isufi.
Ai tutje theksoi që ky është vetëm njëri prej projekteve të shumta që kanë kontraktuar me Shtetet e Bashkuara.
Ndryshe, trupat amerikane që shërbejnë në Kosovë në kuadër të misionit paqeruajtës të KFOR-it dihet se kanë përdorur ‘Puma’ për misionet e mbikëqyrjes kufitare.
Shala: Vendi drejt përparimit në pjesën e armatimit
Eksperti i sigurisë Drizan Shala
Në lidhje me këtë temë eksperti i sigurisë Drizan Shala, në një prononcim për “Bota sot”, u shpreh se blerja e 4 fluturakeve do të ndihmoj mjaft shumë qendrën komanduese dhe se për këtë arsye FSK-ja duhet sa më shpejt ta përmbyll procesin në Forcat e Armatosura të Kosovës (FAK).
“Marrja (blerja) e 4 fluturakeve dhe kontraktimi i 36 të tjerave janë argument që pjesa më kryesore, e cila është vëzhgimi dhe marrja e sa me shumë informacione nga terreni, e cila mund t’i ndihmojë qendrës komanduese dhe institucioneve tjera të sigurisë vendime të shpejta, të sakta dhe të drejta në kohë reale. FSK-ja duhet që në periudhën sa më të shpejt të mundshme duhet përshpejtuar realizimin e planit të saj 10 vjeçar në përmbyllje të procesit në FAK”, u shpreh ai.
Eksperti i sigurisë, Shala, i është rikthyer idesë së dhënë nga kryeredaktori i “Bota sot”, Idriz Morina, duke theksuar që të krijohet një fond i atillë për të mbledhur para, i cili do ta ketë bazën në popullatë, ndërsa shton se ai fond do të duhej monitoruar nga Banka Qendrore e Kosovës.
“Qeveria duhet që të thirr një iniciativë, e cila ndërlidhet me financimin nga mbledhja e një fondi për të forcuar me një linjë buxhetore të re, e cila do ta ketë bazën e saj në popullatë, sikurse është propozuar më parë, ndërsa e monitoruar nga Banka Qendrore e Kosovës në bashkëpunim më institucionet tjera të sigurisë që ky fond mos të jenë financa të dyshimta”, thotë Shala për “Bota sot”.
Tërnava: Kosova shumë shpejt do të bëhet anëtare e NATO-s
Eksperti tjetër i sigurisë, Hajrullah Tërnava
Eksperti tjetër i sigurisë, Hajrullah Tërnava në një bashkëbisedim me “Bota sot”, thotë se blerja fluturakeve është një nga të arriturat e Kosovës. Sipas tij, ato kanë për qëllim të kontrollojnë kufirin me Serbinë.
“Teknikat e kohës gjithnjë e kanë përparësinë e tyre nga ato më të vjetrat, sepse janë në një hapë me kohën, dhe si të arritura të kohës e kanë qëllimin e tyre efektiv e sidomos tani sikur që janë fluturaket e vëzhgimit, që tani edhe Kosova i ka blerë 4 fluturaket nga SHBA-ja, e që e kanë qëllimin e kontrollimit të kufirit me Serbinë. Pa ndonjë përafrim afër kufirit që mund të shkaktojë konflikte ndërshtetërore, e kur dihet se ende nuk është bërë pajtimi mes këtyre dy shteteve. Këto fluturake e kontrollojnë tërë territorin në kufijtë e tij dhe ato incizime mbesin edhe për ndonjë nevojë delikate-dëshmi e rastit, nëse e kërkon koha si incizime që ndodhin nga lartësitë dhe i pasqyrojnë situatat që iu imponohen. Tani për njohje reciproke po ndërmjetësojnë shtetet e BE-së dhe Amerika e që është qëllimi të arrihet një marrëveshje me njohje reciproke”, thekson ai.
Tërnava më tej thotë se SHBA-të dhe BE-ja po vazhdojnë të kontribuojnë që sa më shpejt të arrihet një marrëveshje reciproke, mirëpo sipas tij edhe Kosova shumë shpejt do të bëhet anëtare e NATO-s.
“Tani për ruajtjen e kufijve të territorit të Kosovës kompetentë janë KFOR-i dhe NATO-ja me armatimin super modernë që e posedojnë. Meqë tani territori i ynë është i garantuar nga forcat ndërkombëtare sikur e shpjegova, edhe ky territor i ynë është i garantuar nga ata që na çliruan, por mos të harrojmë se forcat kryesore të SHBA-së janë të stacionuara në Bondstil, e sidomos tani që edhe shtetet për rreth janë të anëtarësuara në NATO sikur që janë: Shqipëria, Maqedonia, Mali i Zi dhe Kosova, që së shpejti do të anëtarësohet në këtë aleancë, sepse ushtrime të shpeshta po bëjnë me ushtritë e shteteve anëtare të NATO-s, dhe tani një ndër bazat kryesore të Ballkanit të NATO-s janë të stacionuara në shtetin e Shqipërisë në Kuqishte, prandaj armatimi i nevojshëm për ushtrinë e Kosovës është pjesë e kësaj aleance”, theksoi Tërnava.
Rreziku nga lufta Rusi-Ukrainë
Ai thekson se ekziston rreziku dramatik, që nga një luftë pushtuese e Rusisë, ajo të kthehet në luftë të tretë botërore, prandaj është shumë e rëndësishme që tani të armatoset me aq sa mundet Kosova.
“Blerja e teknikave luftarake duket se është në përputhshmëri me mundësinë e fondeve që i përkasin shtetit të Kosovës dhe në marrëveshje me miqtë që na kanë ndihmuar me u çliruar dhe që edhe më tutje përkujdesen për Kosovën, sepse mundësia e shtetit tonë që është në zhvillim e sipër dihet sa është, gjë që këtë e dinë edhe miqtë tonë që po na qëndrojnë pranë. Situata konfliktuoze tani e krijuar mes Rusisë dhe Ukrainës e ka vëmendjen e shteteve të botës, sepse ajo luftë mund ta përfshijë tërë botën dhe tani të ndodhë lufta e tretë botërore”, nënvizoi eksperti.
