Mali i Zi vazhdon të mbetet me një qeveri në detyrë, pasi ajo u rrëzua javë më parë, nga njeriu, krijimi i së cilës u var. Ishte shqiptari Dritan Abazoviç udhëheqës i nismës Ura, i cili në dhjetor të vitit 2020 u bë shkaktar i krijimit të një qeverie esencialisht pro Serbisë, të udhëhequr nga Zdravko Krivokapiqi, aktualisht kryeministër në detyrë.
Qeveria qe zgjedhur me minimumin e shumicës së nevojshme, 41 nga 81 deputetë sa i ka Kuvendi i Malit të Zi.
Ndërkohë, masat ndëshkuese për paktin pro Serbisë dhe pro Rusisë, u zgjeruan duke e rrëzuar edhe kryetarin e Kuvendit të atjeshëm Aleksa Beçiq. Për shkarkimin e tij votuan 43 deputetë, ndërsa kundër ishin 36.
Para se të rrëzohej Qeveria e Malit të Zi, kryeministri në detyrë, i hidhëruar me vendimin e Dritanit, Krivokapiçi, paraqiti mocion për shkarkimin e Abazoviçit, por dështoi.
Që me rrëzimin e Qeverisë, dhe madje para se të miratohej mocioni i mosbesimit, Dritan Abazoviçi, shprehu pretendimin e qartë për të formuar një Qeveri të pakicës.
Në ndërkohë, ka qenë më i matur duke e mbështetur krijimin e një qeverie të pakicës, pa u deklaruar se do t’i prijë asaj.
Pro formimit të një qeverie të pakicave, janë deklaruar edhe partitë shqiptare në Mal të Zi.
Mali i Zi vazhdon të mbetet me një qeveri në detyrë, pasi ajo u rrëzua javë më parë, nga njeriu, krijimi i së cilës u var. Ishte shqiptari Dritan Abazoviç udhëheqës i nismës Ura, i cili në dhjetor të vitit 2020 u bë shkaktar i krijimit të një qeverie esencialisht pro Serbisë, të udhëhequr nga Zdravko Krivokapiqi, aktualisht kryeministër në detyrë.
Qeveria qe zgjedhur me minimumin e shumicës së nevojshme, 41 nga 81 deputetë sa i ka Kuvendi i Malit të Zi.
Ndërkohë, masat ndëshkuese për paktin pro Serbisë dhe pro Rusisë, u zgjeruan duke e rrëzuar edhe kryetarin e Kuvendit të atjeshëm Aleksa Beçiq. Për shkarkimin e tij votuan 43 deputetë, ndërsa kundër ishin 36.
Para se të rrëzohej Qeveria e Malit të Zi, kryeministri në detyrë, i hidhëruar me vendimin e Dritanit, Krivokapiçi, paraqiti mocion për shkarkimin e Abazoviçit, por dështoi.
Që me rrëzimin e Qeverisë, dhe madje para se të miratohej mocioni i mosbesimit, Dritan Abazoviçi, shprehu pretendimin e qartë për të formuar një Qeveri të pakicës.
Në ndërkohë, ka qenë më i matur duke e mbështetur krijimin e një qeverie të pakicës, pa u deklaruar se do t’i prijë asaj.
Pro formimit të një qeverie të pakicave, janë deklaruar edhe partitë shqiptare në Mal të Zi.
Nuk është e qartë nëse edhe i dërguari i BE-së Lajçak në takim me presidentin e Malit të Zi, Milo Gjukanoviç kanë biseduar edhe për krijimin e Qeverisë, por mesazhi ka qenë i qartë, që ky shtet i vogël i Adriatikut, duhet të mbështesë zhvillimet perëndimore, dhe të rrijë larg Rusisë.
“Pata një takim të mirë me presidentin e Malit të Zi, Milo Gjukanoviq mbrëmë. Ramë dakord për rëndësinë që Mali i Zi – si një vend kryesor në proceset e anëtarësimit 🇪🇺 – të qëndrojë me vendosmëri në rrugën e tij euro-atlantike dhe të bëjë përparim të vërtetë në reforma pa vonesa”, ka shkruar Lajçak.
Këtë shans, e ofron me një siguri më të madhe, vetëm një qeveri e udhëhequr nga shqiptarët.
Duke e pasur parasysh që në Mali të Zi jetojnë një numër i madh i shqiptarëve, ata nuk i gëzojnë të gjitha të drejtat që ata duhet t’i kenë, mos respektimi i strukturës etnike, imponimin e gjuhës serbe në shumë vende në vend të asaj shqipe, andaj nëse Abazoviq bëhet kryeministër, a do të ndryshojnë perspektivat e tyre, për “Bota sot”, kanë folur disa njohës të çështjeve politike.
“Po u caktua shqiptar, do të jetë ngjarje e madhe”
Rexhep Shahu
Analisti Rexhep Shahu, në një prononcim për “Bota sot”, përmend një deklaratë ku thuhet se “Me një të rënë të lapsit e katërfishuam Malin e Zi në dëm të Shqipërisë”, pra sipas tij, kjo do të thotë se Mali i Zi i përbërë me numër të madh të tokave shqiptare, po ndryshon historinë!
“Mali i Zi mbetet një fushë e vogël ku luhen ndeshje të mëdha, mes ekipesh të mëdha. Sekretari i komisionit të caktimit të kufijve në veri të Shqipërisë d'Estournelles de CONSTANT, Nobelist i Paqes, senator i Francës, shkruan se “unë i kam shumë borxh Shqipërisë sepse me një të rënë të lapsit e katërfishuam Malin e Zi në dëm të Shqipërisë. Pra, ky është Mali i Zi, me shumicë trojesh e tokash shqiptare. Por, kufijtë janë caktuar dhe fati është ky”, thotë Shahu.
Më tej deklaroi se nëse bëhet Abazoviç kryeministër, atëherë hapin e parë që duhet bërë sipas Shahut është avancimi i të drejtave të shqiptarëve.
“Mali i Zi sot është aleat i shqiptarëve të Kosovës, është shtet që i doli kundër Serbisë, është në NATO, aty përplaset Amerika me Kinën e Rusinë. U duhet ai vend për porte në Adriatik e Mesdhe. Sot është e vështirë të dalësh kundër Amerikës e NATO-s. Shqiptarët në këtë kuadër kanë më shumë hapësirë e të drejta. Edhe po u caktua shqiptar kryeministri nuk ka shteg të ikë prej kësaj ‘hekurudhe’. Po u caktua shqiptar shpresohet të jetë ngjarje e madhe. Por, avancimi i të drejtave të shqiptarëve do të bënte hap cilësor mbase të shpejt. Emocionalisht do të ngriheshin shqiptarët më shpejt”, përfundon Rexhep Shahu.
Të ndikojë në zhvillime lokale dhe nacionale
Blerim Burjani
Juristi Blerim Burjani, ka theksuar se e rëndësishme e kësaj ngjarje do të ishte se për herë të parë bëhet një kryeministër shqiptarë në Mal të Zi.
Dhe e mira e kësaj, sipas Burjanit është se mund të ndikoj në investime ekonomike aty ku ka shqiptarë.
“Kjo pritet të shihet, por me rëndësi është që për herë të parë në historinë e Malit të Zi kryeministër të jetë një shqiptar, me rëndësi po ashtu është që mund të ndikoj në zhvillimet edhe lokale edhe nacionale atje. Me siguri se do të ishte e duhur që të ndikonte në investime ekonomike për komunat shqiptare, po sikurse me rëndësi do të ishte të ngrit të drejtat civile në nivel të duhur dhe të avancueshëm për shqiptarët, kjo pritet të shihet se si do të sillet Dritani”, thekson Burjani.
Duhanaj me thirrje publike për Abazoviçin
Leon Duhanaj
Analisti Leon Duhanaj, deklaroi se shqiptarët në Malin e Zi nuk i gëzojnë të drejtat e tyre, madje konsiderohen edhe si qytetarë të dorës së dytë, dhe sipas tij, faji për këtë qëndron tek mekanizmat e shteteve respektive.
“Për mendimin tim, shqiptarët gjithandej regjionit e posaçërisht në Mal të Zi, nuk është që kanë gëzuar të drejtat e tyre bazike ashtu siç edhe u takojnë. Në shtetet sllave Mal i Zi, Maqedoni e Veriut e për Serbi as mos të flasim, shqiptarët janë konsideruar si qytetarë të dorës së dytë për të cilët është dhënë jo më shumë se ajo çfarë ka qenë e pashmangshme. Është për keqardhje se si nuk kemi arritur që ne si komb t'i trajtojmë interesat tona në mënyrën e duhur. Natyrisht që këtu faji kryesor qëndron tek mekanizmat e shteteve respektive, por, faj kemi edhe ne vetë, madje jo të vogël”, thotë ai.
Tutje thotë se Abazoviçi duhet të përmirësoj kushtet e shqiptarëve që jetojnë në Mal të Zi, sepse gjendja e tyre nuk është e mirë.
“Shpeshherë kemi rënë pre e shërbimeve agjentureske, nga të cilat na u është sugjeruar të merremi me gjëra tjera si feja, e mos të fokusohemi në ruajtjen e bërthamës sonë kombëtare. Tani e kemi një politikan si Dritan Abazoviçi, i cili është pozicionuar mirë në majat e politikës shtetërore malazeze, e që do të duhej shfrytëzuar momentumi për përmirësimin e kushteve për shqiptarët në Mal të Zi, megjithatë njeriut nuk i duhet shumë analizë për ta kuptuar se gjendja e shqiptarëve në kontekstin e të drejtave nuk është e mirë”, shtoi Duhanaj.
Duhanaj gjithashtu i ka bërë edhe thirrje publike Abazoviçit, me ç’rast ka kërkuar që me këtë pozitë t’i ndihmoj shqiptarët që të fitojnë të drejtat e tyre.
Si dhe kërkon që Abazoviçi t’i ndihmojë që shqiptarët mbiemrat e tyre t’i kthejnë në gjuhën shqipe.
“Pra, mjafton vetëm mbiemri Abazoviç, të kuptohet se në këtë shtet, trungu shqiptar në mënyrë sistematike po sllavizohet. I kisha bërë thirrje publike z. Abazoviçi, që ta shfrytëzoj pozitën e tij dhe momentumin e favorshëm, që të gjithë shqiptarët, të fitojnë të drejtën e tyre, pa burokraci penguese t'i kthejnë mbiemrat në kuptimin shqip, pra t'u hiqet prapashtesa viç, e cila nuk ka të bëj fare me ta! Shqiptarët, si në Mal të Zi, ashtu edhe në Maqedoninë e Veriut, janë garantues të ekzistencës së këtyre shteteve dhe, në ketë kontekst, duhet të luftojnë maksimalisht, t'i gëzojnë të drejtat e barabarta”, përfundon Duhanaj.
