Rusia sot e ka filluar një pushtim të plotë të Ukrainës, pasi dy ditë më parë e kishte nisur pushtimin e dy krahinave Donetsk dhe Luhan.
E enjtja e zgjoi Ukrainën nga shpërthimet e shumëfishta në shumë qytete të Ukrainës, dhe sulmit tokësor rus në krahinën, joadministrative Donbas.
Ankthin që europianët donin ta shmangnin tashmë ka filluar. Diktatori rus Putin, pas njohjes së dy republikave separatiste Donetsk dhe Luhan, dhe futjes së trupave atje, pas mesnatës kishte urdhëruar një sulm të përgjithshëm në Ukrainë.
Trupat ruse që prej muajsh e kishin rrethuar në tria anët Ukrainën në 3 vende të ndryshme duke e rrethuar Ukrainën, përveçse nga pjesa e saj perëndimore.
Braktisja e Ukrainës
Kjo krizë që ka kapluar gjithë botën padyshim që mendimi se Serbia mund të mendoj të prek veriun e Kosovës është e pashmangshme.
Mirëpo, është Qeveria e Kosovës ajo e cila në vazhdimësi cek që ka nën kontroll sigurinë e vendit.
Është Ministria e Punëve të Jashtme dhe Diasporës e Kosovës më 13 shkurt u ka bërë thirrje qytetarëve të Kosovës që “të largohen sa më parë nga Ukraina” në mesin e frikës për një pushtim nga Rusia.
Rikujtojmë se në rajonin e Ballkanit, Shqipëria, Mali i Zi dhe Maqedonia e Veriut u kanë bërë thirrje qytetarëve të tyre që përkohësisht të lëshojnë Ukrainën po ashtu.
Mirëpo në lidhje se si duhet të veproj Kosova në këtë situatë që gjendet kanë folur profesor dhe analist politik për “Bota sot”, të cilët u shprehën se vendi duhet të jetë në gatishmëri për çdo situatë që mund të vjen nga kriza e Ukrainës.
Kuçi: Kosova ka mbrojtjen e faktorit ndërkombëtar
Rusia sot e ka filluar një pushtim të plotë të Ukrainës, pasi dy ditë më parë e kishte nisur pushtimin e dy krahinave Donetsk dhe Luhan.
E enjtja e zgjoi Ukrainën nga shpërthimet e shumëfishta në shumë qytete të Ukrainës, dhe sulmit tokësor rus në krahinën, joadministrative Donbas.
Ankthin që europianët donin ta shmangnin tashmë ka filluar. Diktatori rus Putin, pas njohjes së dy republikave separatiste Donetsk dhe Luhan, dhe futjes së trupave atje, pas mesnatës kishte urdhëruar një sulm të përgjithshëm në Ukrainë.
Trupat ruse që prej muajsh e kishin rrethuar në tria anët Ukrainën në 3 vende të ndryshme duke e rrethuar Ukrainën, përveçse nga pjesa e saj perëndimore.
Braktisja e Ukrainës
Kjo krizë që ka kapluar gjithë botën padyshim që mendimi se Serbia mund të mendoj të prek veriun e Kosovës është e pashmangshme.
Mirëpo, është Qeveria e Kosovës ajo e cila në vazhdimësi cek që ka nën kontroll sigurinë e vendit.
Është Ministria e Punëve të Jashtme dhe Diasporës e Kosovës më 13 shkurt u ka bërë thirrje qytetarëve të Kosovës që “të largohen sa më parë nga Ukraina” në mesin e frikës për një pushtim nga Rusia.
Rikujtojmë se në rajonin e Ballkanit, Shqipëria, Mali i Zi dhe Maqedonia e Veriut u kanë bërë thirrje qytetarëve të tyre që përkohësisht të lëshojnë Ukrainën po ashtu.
Mirëpo në lidhje se si duhet të veproj Kosova në këtë situatë që gjendet kanë folur profesor dhe analist politik për “Bota sot”, të cilët u shprehën se vendi duhet të jetë në gatishmëri për çdo situatë që mund të vjen nga kriza e Ukrainës.
Kuçi: Kosova ka mbrojtjen e faktorit ndërkombëtar
Doktori i marrëdhënieve ndërkombëtare, historisë e diplomacisë, Gurakuq Kuçi
Në lidhje me këtë temë doktori i marrëdhënieve ndërkombëtare, historisë e diplomacisë, Gurakuq Kuçi në një prononcim për “Bota sot”, u shpreh se lufta ndërmjet Rusisë dhe Ukrainës, duke pasur parasysh lidhjet gjeopolitike, ideologjike dhe civilizuese kanë ndikim edhe në politikën e Ballkanit Perëndimor.
“Të gjitha ngjarjet në botë në mënyrë të drejtpërdrejtë apo jo të drejtpërdrejtë në kohën moderne kanë ndikim tek njëra-tjetra. Por, ngjarjet si kjo në mes Rusisë dhe Ukrainës, duke pasur parasysh lidhjet gjeopolitike, ideologjike dhe civilizuese kanë ndikim edhe në politikën e Ballkanit Perëndimor. Ndikimi bëhet edhe më i madh kur kemi parasysh që aktorët ndërkombëtare që po përplasen për çështjen e Ukrainës, janë të njëjtit që përplasen edhe në çështjen e Ballkanit Perëndimor, veçanërisht Kosovën”, u shpreh ai.
Kuçi më tej thotë se veprimet që Rusia po bën kundrejt Ukrainës është e njëjta që Serbia synon të ketë në Kosovë.
Jo rastësisht kemi një shmangie edhe të faktorit ndërkombëtare për çështjen e asociacionit, shtoi ai.
“Një rrezik për veprime të ngjashme si të Rusisë tani, vazhdimisht ka pasur nga Serbia të bëj në veri të Kosovës, por një gjë të tillë e ka pasur të pamundur ta bëjë sepse përballej me forcat e NATO-së të cilat janë përgjegjës për ruajtjen e brezit kufitar, sigurinë dhe konfliktin ndëretnik. Mirëpo, Serbia veprime të tilla gjithnjë i ka menduar në të ardhmen të i bëjë nëpërmjet Asociacionit të komunave me shumicë serbe, ku së pari do krijonte një bosnjëzim e më pas edhe të kërcënonte Kosovën siç po bën sot nëpërmjet Republika Serbe në Bosnjë. Jo rastësisht kemi një shmangie edhe të faktorit ndërkombëtare për çështjen e asociacionit të cilët sot kërkojnë një zgjidhje për asociacionin dhe jo më një imponim sikur në marrëveshjen e vitit 2015”, thotë profesori.
Ndër të tjera ai thotë që veprimet e tanishme të Rusisë, besoj se reflektojnë që Perëndimi t’i forcoj radhët e veta që Serbia të veprojë në Kosovë.
“Mirëpo, veprimet e tanishme të Rusisë, besoj se reflektojnë që Perëndimi t’i forcoj radhët e veta, çka e bënë një veprimtari të pamundur të ngjashme për Serbinë në Kosovë sepse rënia e Kosovës nënkupton rënien e gjithë Ballkanit Perëndimor”, theksoi Kuçi për “Bota sot”.
Zeqa: Kosova duhet të jetë e kujdesshme dhe në gjendje gatishmërie përballë situatës së krijuar
Analisti politik Florim Zeqa
Ndërsa, analisti politik Florim Zeqa në një bashkëbisedim “Bota sot”, thotë që situata e krijuar në Ukrainë dhe Rusi do të krijoj pasiguri në Ballkanin Perëndimor e që edhe Serbisë i shkon për shtati të pushtoj veriun e Kosovës.
“Situata pas inkursionit apo fillimit të pushtimit të dy rajoneve ukrainase, Luhanit dhe Donetskit do të reflektojë pasiguri edhe në rajonin e Ballkanit Perëndimor. Serbia në bashkëpunim me Rusinë do të bëjnë përpjekje për destabilizim të Ballkanit perëndimor, përkatësisht për destabilizimin e situatës në Bosnje e Hercegovinë, në Malin e Zi dhe në Kosovë.
Edhe pse situata është krejtësisht tjetër në Ukrainë në krahasim me Kosovën, skenarët ruso-serb janë të njëjtë. Për aq sa i shkon për shtati Rusisë destabilizimi i Ballkanit për pushtimin e pjesës lindore të Ukrainës, aq i shkon për shtati Serbisë pushtimi i Ukrainës nga Rusia për ripushtimin e veriut të Kosovës dhe jo vetëm”, thotë analisti.
Sipas Zeqës Rusia po tenton të prish balancin politik në nivel global dhe të krijoj një rend të ri botëror.
“Invazionin e Rusisë në Ukrainë dhe tendencën e invazionit serb në Ballkan duhet shquar përtej aspektit territorial. Këtu bëhet fjalë për një përballje mes fuqive botërore, përkatësisht Rusisë dhe Kinës kundër SHBA-ve! Thënë ndryshe, kjo është një përpjekje për prishjen e balancit politik në nivel global, e cila për qëllim të fundit e ka krijimin e një ribalanci apo rendi të ri botërorë mes Rusisë e Kinës, me qëllim të zvogëlimit të ndikimit amerikan në botë”, shprehet Zeqa.
Çfarë duhet të bëjë Kosova?!
Nga ana tjetër analisti thekson që Kosova duhet të jetë e kujdesshme dhe njëkohësisht e gatshme të përballet me çdo situatë të krijuar nga kjo krizë.
“Para së gjithash, Kosova duhet të jetë e kujdesshme dhe në gjendje gatishmërie përballë situatës së krijuar, në mos për asgjë tjetër, për bashkërendim të veprimeve të FSK-së me trupat e NATO-s në Kosovë, gjegjësisht me KFOR-in, i cili është forca kryesore e sigurisë dhe i mbrojtjes së integritetit territorial të shtetit tonë”, potencon ai.
Në fund analisti shton që liderët shtetërorë të Kosovës duhet të tregojnë pjekuri politike dhe pragmatike me mirëmbajtjen e raporteve të mira me aleatët perëndimorë, në veçanti me SHBA-në dhe çdo anashkalim mund ta pësojmë ne prapë.
“Në anën tjetër, liderët shtetërorë të Kosovës duhet të tregojnë pjekuri politike dhe pragmatike me mirëmbajtjen e raporteve të mira me aleatët perëndimorë, në veçanti me SHBA-në, aleatin më besnik dhe sponsorizuesin kryesor të lirisë dhe pavarësisë së shtetit tonë.
Çdo anashkalim dhe neglizhim i situatës së krijuar pas inkursionit rus në Ukrainë mund t’na kthehet bumerang në veriun e vendit”, përfundoi Zeqa për “Bota sot”
