Lufta në Ukrainë, e cila po reziston fuqishëm ndaj pushtimit të Rusisë po vazhdon ta mbajë Europën në ankth. Shqiptarët ende po hezitojnë se çfarë duhet të bëjnë për ta pasur të qartë fatin e vet në këtë situatë të re, dramatike dhe tragjike për ukrainasit.
Pak shtete në botë nuk i kanë dënuar përpjekjet e Rusisë për pushtimin ushtarak të Ukrainës. Europa, SHBA-të dhe disa vende të tjera janë zotuar se do ta ndihmojnë në të gjitha mënyrat, por pa dërguar trupa, Ukrainën.
Presidenti i saj, tashmë një hero europian, u ka bërë thirrje vullnetarëve nga e gjithë bota, që t’i bashkohen ukrainasve për t’i mundur rusët.
Sanksione të ashpra ekonomike kanë ndërmarrë SHBA-ja, BE-ja dhe vende të tjera, përfshirë Japoninë. BE-ja i ka premtuar 450 milionë ndihma ushtarake ukrainës, të cilat përfshijnë edhe blerjen e aeroplanëve luftarakë.
Në shenjë përkrahje për ukrainasit janë mbajtur protesta masive që filluan në Gjeorgji, vazhduan në Gjermani, Itali, Çeki e Turiq, si dhe në vende të tjera, ndërsa në Rusi, sipas mediave raportohet se janë arrestuar rreth gjashtë mijë protestues, që po e kritikojnë Putinin dhe përpjekjet ushtarake që edhe me përdorim të armëve bërthamorë ta realizojë qëllimin e tij.
Lufta në Ukrainë, e cila po reziston fuqishëm ndaj pushtimit të Rusisë po vazhdon ta mbajë Europën në ankth. Shqiptarët ende po hezitojnë se çfarë duhet të bëjnë për ta pasur të qartë fatin e vet në këtë situatë të re, dramatike dhe tragjike për ukrainasit.
Pak shtete në botë nuk i kanë dënuar përpjekjet e Rusisë për pushtimin ushtarak të Ukrainës. Europa, SHBA-të dhe disa vende të tjera janë zotuar se do ta ndihmojnë në të gjitha mënyrat, por pa dërguar trupa, Ukrainën.
Presidenti i saj, tashmë një hero europian, u ka bërë thirrje vullnetarëve nga e gjithë bota, që t’i bashkohen ukrainasve për t’i mundur rusët.
Sanksione të ashpra ekonomike kanë ndërmarrë SHBA-ja, BE-ja dhe vende të tjera, përfshirë Japoninë. BE-ja i ka premtuar 450 milionë ndihma ushtarake ukrainës, të cilat përfshijnë edhe blerjen e aeroplanëve luftarakë.
Në shenjë përkrahje për ukrainasit janë mbajtur protesta masive që filluan në Gjeorgji, vazhduan në Gjermani, Itali, Çeki e Turiq, si dhe në vende të tjera, ndërsa në Rusi, sipas mediave raportohet se janë arrestuar rreth gjashtë mijë protestues, që po e kritikojnë Putinin dhe përpjekjet ushtarake që edhe me përdorim të armëve bërthamorë ta realizojë qëllimin e tij.
Për të parandaluar pushtimin e Ukrainës, qëllimit amerikan dhe europian, i janë bahkuar edhe Kosova nga e premtja dhe Shqipëria nga e diela, duke deklaruar sanksione me vonesë.
Sipas shumë analistëve ushtarak shqiptarë, por edhe të huaj, Rusia nëpërmjet Serbisë do të provojë ta kërcënojë Kosovën me pushtimin e veriut.
Sipas disa vlerësimeve, pritet që Edi Rama në këto rrethana ta drejtojë trysninë ndaj Kosovës, dhe t’i kërkojë Qeverisë, që t’i bëjë lëshime Serbisë në bisedimet në Bruksel.
Në lidhje me këtë për “Bota sot”, kanë folur analistët politik duke trajtuar këtë temë dhe treguar nëse një veprim i tillë do të sjellë fundin e kryeministrit Rama.
Qarri: Ditët në vijim do të jenë vendimtare për fundin e Ramës
Në lidhje me këtë temë në një prononcim për “Bota sot”, flet analisti politik Gani Qarri, i cili u shpreh se nuk është hera e parë që Rama mban anen e Serbisë pasi i njëjti shumëherë ka dalur kundër Kosovës.
Gani Qarri
Qarri përmend disa nga marrëveshjet që Rama përkrahu dhe doli kundër interesave të Kosovës.
“Në fakt nuk është hera e parë, e nëse atij i lejohet, nuk do të jetë as e fundit që Edvin Kristaq Rama, merr hapur, pozicion kundër shtetit të pavarur të Kosovës dhe atakon pa asnjë arsye bindëse udhëheqësit e vendit tonë, i cili në fakt nga viti 2018 e këndej, me tërë kapacitetin, ka hy në shërbim të plotë të Serbisë, dhe Aleksandër Vuçiqit, duke akuzuar dhe përlyer pareshtur udhëheqësit e Kosovës, herë pse nuk miratuan ndarjen dhe faljen e veriut të vendit, Serbisë okupatore, e herë pse nuk pranuan minijugosllavinë, në të cilën ai nxiton të hyjë i pari, të ashtuquajtur njëherë si "mini-shengen", tani si "Open Ballkan" e pas pak kohësh ndoshta edhe si "great serbien", në dokumentin themelues të të cilit, mund të figurojë edhe nënshkrimi i Edi Ramës”, u shpreh ai.
Më tej analisti thotë që Rama në vend se të kritikonte Vuçiqin për kërcënimet dhe sjelljet agresive ndaj Kosovës, përmes intervistave televizive i bënte me dije Vuçiqit se ai është në anën e Serbisë.
“Madje ishte vet Edvin Rama, ai i cili edhe në shtatorin e vitit të kaluar, kur Serbia pa asnjë shkas dhe arsye, vendosi forca të mëdha ushtarake serbe në kufijtë verior të Kosovës dhe provokonte me fluturime helikopterësh e aeroplanësh ushtarak edhe në brendësi të territorit të Kosovës, duke kërcënuar Kosovën me riokupim, Rama në vend se të kritikonte Vuçiqin për kërcënimet dhe sjelljet agresive ndaj Kosovës, përmes intervistave televizive i bënte me dije Vuçiqit se ai është në anën e Serbisë dhe i dërgonte porosi kryeministrit Kurti, që ti tërheq forcat speciale nga Veriu i Kosovës, përkundër barrikadimit të rrugëve, që ekstremistët serb dhe bandat kriminale të Zvonko Veselinoviqit e Milan Radoijçiqit, me thirrjen e Vuçiqit fillluan të gjuanin edhe granata në objektet e shtetit të Kosovës, kishin bërë bllokimin e rrugëve dhe tentonin mbylljen totale të arterieve rrugore që çojnë në pikat kufitare Bërnjak e Jarinje në Veri të vendit, me qëllim që njëjtë si me 2011, ti atakonin e demolonin ato përsëri”, thotë analisti.
Ndër të tjera, ai shton që nëse tani vepron Rama kundër Kosovës padyshim që do të jetë fundi i tij.
“Prandaj nëse Edvin Kristaq Rama, që tanimë edhe gjuhën amtare, pa u konsultuar me askend, kokë më vete dhe pa marrë pëlqimin as pajtueshmërinë e përfaqësuesve të shqiptarëve, jashtë kufijve të Shqipërisë londineze, na e ka ndarë në tri variante, megjithëse me 1974 ishte rënë dakord nga të gjithë, për unifikimin e të folmes dhe të të shkruarit njëjtë, të gjuhës shqipe, nga të gjithë shqiptarët, i bënë presion Kosovës edhe për kompromise në llogari të Vuçiqit dhe Serbisë hegjemoniste, e cila së fundi i doli krah Rusisë edhe për agresionin që ajo po bën për okupimin e Ukrainës, ky duhet të ishte fundi i Edi Ramës, të paktën sa i takon popullit dhe shtetit të Kosovës”, thotë Qarri për “Bota sot”.
Mehazi: Budallallëku më i madh politik i Edi Ramës do ishte sikur ta përkrahë Serbinë
Ndërsa, profesori Sulejman Mehazi në një bashkëbisedim me “Bota sot”, thotë që lufta e Rusisë me Ukrainën do të arrijë ta sjellin Ramën kundër Serbisë pasi do të detyrohet të kthehet krah Kosovës për shkak të shteteve të Ballkanit Perëndimor.
Sulejman Mehazi
“Lufta e Rusisë në Ukrainë, Edi Ramës jo që ia ka prishur të gjitha planet e Ballkanit të hapur serb, po veç më nuk guxon t'u nënshtrohet presioneve serbe ndaj kompromiseve dialoguese të Kosovës ndaj Serbisë. Lufta ruse-ukrainase do të jetë shkak që kryeministri i Shqipërisë Edi Rama t'ia kthejë shpinën presidentit të Serbisë, Aleksandar Vuçiqit për t'iu kthyer realitetit të dialogut të Kosovës me Serbinë, anëtarësimi i Shqipërisë në NATO e detyron Ramën që të mohojë qëllimet politike e strategjike serbo-ruse në Ballkanin Perëndimor”, thekson profesori.
Mehazi thotë që nëse kryeministri Edi Rama dorëzohet para presioneve serbe kundër Kosovës, atëherë që tani mund të themi se karriera politike e Edi Ramës do të ketë fund të turpshëm.
“Presionet shumë më të mëdha ndaj Edi Ramës do të jenë nga fuqitë e mëdha: SHBA-ja, BE-ja e NATO-ja, për të dalur kundër Serbisë e në përkrahje të Kosovës sesa presionet, kompromiset e pakuptimta serbe ndaj dialogut me Kosovën. Nëse kryeministri Edi Rama dorëzohet para presioneve dialoguese serbe kundër Kosovës, atëherë që tani mund të themi se karriera politike e Edi Ramës do të merr fund të turpshëm. Budallallëku më i madh politik i Edi Ramës do të ishte sikur ta përkrahë Serbinë e Rusinë e ta tradhtonte Kosoven, NATO-n, BE-në e SHBA-në”, përfundoi Mehazi për “Bota sot”.
