Luftimi i krimit të organizaur në Kosovë, e në veçanti në Mitrovicë.
Qeveria Kurti, edhe pse ka ndërmarr veprime të fuqishme për goditijen e kriminalitetit në veri, mbetet akoma punë për t’u bërë.
E nëse duam që Mitrovica por edhe Kosova të jenë të pastuara nga krimi i organizuar dhe korrupsioni, atëherë institucionet e shtetit duhet të merren shumë seriozisht me këtë çështje.
Kështu shprehet eksperti i sigurisë Hajrullah Tërnava, i cili shton se, institucionet duhet të bëjnë plane konkrete për të luftuar këtë dukuri.
“Tani është e qartë situata e krijuar në këto pjesë, dhe sikur që po dëshmohet se në veri janë të involvuar qytetarë serbë dhe shqiptarë në krime. E kjo është që një kohë shumë të gjatë, qysh nga paslufta e deri me tani. Në ato pjesë është zhvillua krimi në përgjithësi në mënyrë të pakontrolluar, sepse nuk kanë funksionuar institucionet që e luftojnë krimin, mjerisht edhe nga të mëdhenjtë e shteteve ka dyshime se janë të përzierë për përfitimet e tyre në këto krime, dhe është e kuptueshme se pa një përkrahje nga ata, këto krime nuk do ta kishin jetëgjatësinë kaq të gjatë. Prandaj ata që janë të involvuar në këto krime e kanë për qëllim që të përfitojnë dhe në masë të madhe të pasurohen, sikur që ia kanë arritur qëllimit, e në këto involvime është e sigurt se janë të kyçur edhe shumë politikane të niveleve të larta, si të Serbisë ashtu edhe të Kosovës”, thotë Tërnava.
Sipas tij, për një luftim serioz të krimit, MPB në bashkëpunim edhe me Ministrinë e Drejtësisë sikur që janë gjyqësia, prokuroria, policia, AKI etj, duhet që t’i ndërmarrin të gjitha masat e luftimit të krimit në përgjithësi, dhe sipas planeve operative të luftimit të krimit, në mënyrë të përgjithshme t’i spastrojnë njëherë e përgjithmonë ato pjesë të Kosovës.
“Prandaj duhet që edhe në atë pjesë të filloj të funksionojnë ligjet e Kosovës, e jo si deri më tani që ato pjesë fare nuk kanë qenë të mbikëqyrura nga institucionet e Kosovës, e as që kanë funksionuar ligjet e saja, prandaj nuk është për t’u habitur pse në ato pjesë të Kosovës ka lëshua rrënjë krimi i organizuar, që tani ky lloj krimi ka dalë në sipërfaqe dhe është bërë si shembull i keq edhe për regjionin”, potencon ai.
Tërnava shprehet se, kjo çfarë ka ndodhur deri më tani në ato pjesë të Kosovës, e ka fajin politika e pazgjedhur ndërmjet Kosovës dhe Serbisë.
“Edhe sot këto pjesë janë të pakontrolluara ashtu si duhet me ligjet e përditshme të Kosovës, e sidomos edhe pas shumë viteve tani pas çlirimit, pjesa e veriut nuk është qeverisur, apo as nuk janë vizituar nga qeveritarët e Kosovës, duke fillua nga ish-Kryeministrat, ish-Ministrat apo edhe këta të sotmit. Kjo na jep me nënkuptua se pse tani në ato pjesë ka lulëzua dhe po lulëzon e rritet krimi i organizuar që fillon atje dhe realizohet në tërë Kosovën”, potencon tutje ai.
Tërnava shrehet se, tani shpresat e vetme janë të Qeveri Kurti, që të tregojë forcën e saj ligjore.
“Qeveria dhe MPB-ja me prokurorinë dhe institucionet e mekanizmat tjera që janë të specializuara për luftimin e krimit, duhen t’i përgatisin planet operative të spastrimeve të atyre pjesëve ku tani po zhvillohet krimit i organizuar, dhe me njësitet e policisë të specializuara për intervenime, të llojeve çfarë i përgjigjen atyre pjesëve të territorit dhe kohës, që të jenë sa më efikas në ndalimin e burgosjen e tyre, dhe njëherit t’i sigurojnë faktet dhe argumentet e shkaqeve të burgosjeve të tyre, dhe në ato intervenime të jenë të pamëshirshëm dhe të guximshëm me veprime në suaza ligjore, ti ndërmarrin masat e spastrimit të atyre pjesëve që deri më tani ishin të anashkaluar, dhe me këto veprime qytetarët ta kuptojnë se të gjithë qytetarët e Kosovës para ligjit janë të barabartë në gjithë territorin e Kosovës, dhe askush para ligjeve nuk është i privilegjuar”, përfundon eksperti i sigurisë Hajrullah Tërnava.
