Rama asnjë fjalë për masakrat serbe, për Kuvendin e Lezhës... por, i lumtur për raportet me Serbinë

Protestat në Shqipëri, edhe njëherë e kanë kthyer vëmendjen tek figura e Edi Ramës, se çfarë ai përfaqëson në politikën shqiptare.

Shqipëria e cila po ballafaqohet me rritje çmimesh, Qeveria e Shqipërisë pa ndonjë zgjidhje, të duhur, ngushëllimin e gjen tek raportet e Ramës me presidentin e Serbisë Aleksandër Vuçiqin.

Por, më e habitshme është se si ai, mundohet të ndihet krenar me raportin që ka me Vuçiqin, ndërsa i shpjegon qytetarëve, se bëhet fjalë për kontratat e bizneseve për miellin e kontraktuar, të cilin Serbia do t’ia lejojë të importohet, në saje të ‘Ballkanit të hapur’.

Por, nuk është vetëm kjo sjellje nënshtruese e Edi Ramës ndaj Vuçiqit, që tashmë disa vite sillet konform interesave të Serbisë, duke ia nënshtruar edhe Shqipërinë, si rrallëherë në histori.

Kështu, ai i anashkalon edhe shënimin e festave dhe madje të tragjedive kombëtare, ndërsa nuk harron, asgjë nga çfarë Vuçiqi bën. Edhe kur Serbia zgjedhë të jetë pro Rusisë, Rama del dhe e mbron Serbinë, duke u munduar ta paraqesë si properëndimore.

Në mbrojtje të qenies shqiptare

Ndërsa, festat e mëdha kombëtare, si Lidhja e Lezhës e 578 vjetorit të formimit të saj, i mjafton ta postojë një foto, pa asnjë fjalë tjetër, veç datave: 2 MARS 1444 - 2 MARS 2022.

Edhe më keq, Edi Ramë që për shumë kohë rrinte përkrah Hashim Thaçit, duke u munduar ta portretizonte si hero, e tani nuk i kujton as ngjarjet e Prekazit, përveç se me një fjali: “7 MARS 1998 - Shkoi në përjetësi Heroi i Kosovës dhe krejt shqiptarisë, Komandanti Legjendar Adem Jashari”, ka shkruar ai.

Kjo indiferencë e sjelljes, pa bërë asnjë ceremoni, asnjë vizitë, asnjë organizim, po kritikohet shumë, nga shqiptarët.

“Pse EdvinRama nuk e kujton vrasjen e 56 fëmijëve, grave e burrave të Familjes Jashari nga forcat policore e militare të Serbisë, pas një sulmi terrorist në pragun e shtëpisë në Prekaz?Pse EdvinRama nuk e kujton vrasjen e Mësuesit Shaban Jashari dhe gjithë Familjes Jashari nga regjimi nacionalsocialist i Millosheviqit dhe Gebelsit të tij, AleksanderVuçiqit? A mund t’i besohet Edvinit urimi për Ditën Mësuesit kur nuk e kujton Mësuesin Shaban Jashari dhe sakrificën e tij sublime në mbrojtje të lirisë, të gjuhës e mësimit shqip, në mbrojtje të Familjes, në mbrojtje të qenies shqiptare”, ka shkruarnë faqen e tij në fb, intelektuali Niq Krasniqi, i cili jeton dhe vepron kryesisht në Austri.

Më 2 Mars Besëlidhja e Lezhës shënoi 578 vjetorin e themelimit, dhe në këtë përvjetor ka marrë pjesë kryetari i LVV-së, Albin Kurti, deputeti shqiptar nga Lugina e Preshevës në Kuvendin e Serbisë, ShaipKamberi, NikGjeloshaj, kryetar i Tuzit në Mal të Zi, ZijaadinSela, Kryetari i Aleancës për Shqiptarët në Maqedoninë e Veriut dhe OlianaMoriseni, nënkryetare e Bashkisë së Lezhës, por ai që mungoi ishte Kryeministri i Shqipërisë Edi Rama.

Turr e vrap për ta lavdëruar Serbinë

Në Kompleksin nemorial “Adem Jashari” në Prekaz, për nder të 24-vjtorit të Epopesë së Ushtrisë Çlirimtare të Kosovës (UÇK), bënë homazhe në 24 vjetorin e rënies heroike të familjes Jashari, një numë i madh i qytetarëve, gjithashtu edhe përfaqësues të komunave. Po ashtu nderime bënë edhe një grup i ish-luftëtarëve të UÇK-së, po ashtu edhe këtu mungonte vizita e Ramës.

Lidhur me këtë, analisti politik Sulejman Mehazi, në një prononcim për “Bota sot”, thekson se heshtja e Ramës tregoi se sa është nënçmues, madje sipas tij, kjo është e barabartë me heshtjen e Vuçiqit.

Sulejman Mehazi

Tutje u shpreh se Rama u gëzua për votën pro serbe në Asamblenë e Përgjithshme për Ukrainën, ndërsa mbeti shurdhëmemec për familjen Jashari.

“Sesa cinik e nënçmues është kryeministri i Shqipërisë, Edi Rama, ndaj personaliteteve më të rëndësishme kombëtare u pa e u vërejt gjatë përvjetorit të sakrificës familjare të Jasharajve në Prekaz. Zëri nuk iu dëgjua për këtë familje madhështore, heshtja e tij është e barabartë me heshtjen e Vuçiqit ndaj kësaj familje të vrarë nga policia e ushtria e tij serbe. Zotëriu i qeverisë shqiptare për votën pro serbe në Asamblenë e Përgjithshme të OKB-së për Ukrainën, u gëzua me Vuçiqin e turr e vrap reagoi duke e lavdëruar Serbinë, pse votoi për Ukrainën e kundër Rusisë, kurse në anën tjetër me rastin e manifestimit te epopesë së familjes Jashari mbeti shurdhmemec”, theksoi Mehazi.

Sa i zbehur, i heshtur, jo besnik

Gjithashtu, ai gjithashtu e ka potencuar edhe shkuar jen e Bregoviqit në Korçë vitin që shkoi, gjë që sipas tij, për Ramën më e vlefshme ishte ajo vizitë se sa vizita e Osmanit dhe Kurtit në Prekaz.

Më tej ka shtuar se kështu vihet re se sa besnik është ndaj Vuçiqit, e sa i heshtur është ndaj përvjetorëve kombëtarë.

“Për Edi Ramën më e vlefshme ishte ardhja e Bregoviqit serb në Korçë sesa shkuarja e presidentes Vjosa Osmanit, kryeministrit Albin Kurtit dhe kryeparlamentarit të Kosovës, GlaukKonjufca në Prekazin heroik për të respektuar familjen e sakrificës së madhe Jashari dhe Republikën e Kosovës. Kemi vërë re sesa i zëshëm, i zellshëm e besnik ishte dhe ende është Edi Rama ndaj Vuçiqit me “Ballkanin e hapur”, Bregoviqin e votën pro të Serbisë në OKB, kurse sa i zbehur, i heshtur, jo besnik e i pandershëm është ndaj dy përvjetorëve të paharruara kombëtare të rënies heroike të familjes Jashari dhe të përvjetorit të Lidhjes së Lezhës. Se dimë e nuk mund ta kuptojmë kryeministrin e Shqipërisë se pse është kaq mohues ndaj historisë se të Kosovës e përkrahës i denjë i presidentit të Serbisë Vuçiq?”, deklaroi ai.

Faton Mehmeti

Ndërsa, analisti FatonMehmeti, vlerëson se EdiRama nuk e ndjen atdheun, madje sipas tij, nuk është rasti i vetëm ku Rama e dëshmon një gjë të tillë.

“Tanimë është e njohur se Edi Rama nuk është në nivelin e duhur të atdhedashurisë. Ka shumë raste ku ai e ka dëshmuar këtë gjë, dy nga ngjarjet më të mëdha shqiptare, Lidhja e Lezhës dhe ngjarjet e Prekazit me Adem Jasharin nuk janë nderuar në nivelin që meritojnë nga kryeministri shqiptar. Fatkeqësisht, Rama nuk e ndjen atdheun, i tillë ka ngel dhe si i tillë do të mbetet gjithnjë”, thotë Mehmeti.