Ditë më parë mediet në Beograd kanë njoftuar se shefi i diplomacisë ruse Sergei Lavrov pritet të arrijë në Serbi me 7 qershor, ku në takimet me zyrtarët serb do diskutohen çështje me gjendjen aktuale dhe krizën, situatën në rajon, sanksionet perëndimore por edhe sqarimi rreth pozicionit të Moskës ndaj Kosovës.
Në tavolinë e bisedimeve me Vuçiq do jenë të gjitha temat e hidhura që nga zhvillimet në Ukrainë, pozicioni i Serbisë ndaj krizës, situata në rajon dhe bashkëpunimi në dritën e sanksioneve të vendosura nga perëndimi për Moskën.
Në lidhje me këtë dhe nëse kjo vizitë do të sjellë destabilizim në Ballkan, në një prononcim për “Bota sot”, ka folur eksperti i sigurisë, Drizan Shala.
Ai u shpreh se vizita e Lavrov në rajonin e Ballkanit tregon që Serbia është I vetmi vend në Ballkan që mbanë lidhje të forta në disa fusha me Rusinë.
Sipas tij është një tregues i qartë për përendimin politika destruktive të Serbis karshi ballkanit-fqinjeve realisht ndaj perëndimit dhe procesit të saj “fantom” në antarësim në BE dhe mekanizma të tjerë.
“Vizita e Lavrov në rajonin e Ballkanit, relalisht në Serbi si i vetmi vend në Ballkan që mban lidhje të forta politike/ushtarake/ekonomike më Rusinë, apo më mir të themi si shtet satelit i saj i cili mund të këtë impakt në zhvillimet e tanishme dhe të ardhmen për sigurinë në ballkanin përendimor.
Është një tregues i qartë për përendimin politika destruktive të Serbis karshi ballkanit-fqinjeve realisht ndaj perëndimit dhe procesit të saj “fantom” në antarësim në BE dhe mekanizma të tjerë. Rusia aleancen më Serbin e sheh në një forme të një marrëdhënie intime ku pas përmbushjes se interesave për Rusinë kjo e fundit raportin më Beogradin e sheh si "prezervativ"”, u shpreh ai.
Eksperti më tej, thotë që MPJ duhet të ngrisë këtë çështje në arenën ndërkombëtare pasi këto vizita kanë imapkt të drejtëpërdrejtë në sigurinë e Kosovës.
“Kosova përmese MPJ-se duhet që të ngrise këtë çështje në arenen ndërkombetare ku vizita të tilla kanë një impakt të drejtëpërdrejt në sigurinë e Kosoves ku dihet që Presidenti i Serbis në betimin e ti dha që do të mbrojë integritetin territorial të Serbis dhe që dihet në kushtetuten e Serbisë ende Kosova është pjese e saj”, thekson eksperti i sigurisë.
Ai në fund shprehet se Rusia është e inkuperuar thellë në strukturat e sigurisë së Serbisë dhe kështu mund ta destabilizojë sigurinë në rajon dhe Kosovë.
“Dihet që Rusia përmes edhe mekanizmit të saj të sigurisë është e inkuperuar thellë në strukturat e sigurisë së Serbisë duke i shërbyer asaj në çdo nevoje dhe rrethanë që mund të destabilizojë sigurinë në rajon dhe Kosovë”, përfundoi Shala për “Bota sot”.
