Veprimtari i LDK-së, Halil Geci, thotë se, partia e formuar nga Lista Guxo e tëra ishte në LDK dhe e tillë duhet të mbetet.
Ai thotë se nuk e sheh të dëmshëm kalimin e ndonjë deputeti, zyrtari apo grupi partiak të lëvizë nga Lista Guxo në LDK, apo edhe anasjelltas.
“Pluhuri i ngritur rreth kalimit i një deputetes nga lista Guxo në LDK i ka bërë disa analistë sikur mbarojë Lista Guxo. Një armatë e tërë ka kaluar nga LDK në Listen Guxo, e s’u bë nami, por fatkeqësia është se LDK ende nuk u zgjua nga gjumi, as deputeja nuk çon kurrfarë peshe me rëndesi, a doli në LDK, apo shkoj në shteëpi, dëshira e secilit është të shkojë aty ku e sheh veten të përfaqësuar më mirë”, shprehet Geci.
Ai thotë se, ka informata se LDK-ja ka investar shumë për ta joshur deputeten që të kalojë nga Guxo në LDK, me qëllimin e vetëm kinse me ikjen e saj do ta dobësojnë partinë e re.
“Të gjithë e dinë se lista Guxo është formuar nga i LDK-ja me dëshirën e Vjosës, por nga dhuna nënçmimi dhe përjashtimet që ka bërë Kryesia e atëhershme e cila nuk ka ndryshuar asgje me këtë të sotmen. Pra kuptone se arsya e ndërtimit të kësaj liste ishte e domosdoshme, ngase këto dy diva të politikës dhe shumë aktivistë me nam u përjashtuan nga LDK-ja për t’ja mbaruar qejfin Hashimit, Isës, Gimos dhe Lutës, si dhe kryesisë aktuale, e cila që nga atëherë deri më sot nuk ka ndryshuar asgjë, iku Isa, mbeti ISË”, shprehet Geci.
Sipas tij, nga LDK-ja pa dëshiren e tyre i kanë larguar një armatë të madhe aktivistësh dhe militantësh të partisë.
“Kurse një pjesë jo e vogël dyshohet se u vranë nga SHIK-u i PDK-së, me të cilët edhe sot LDK-ja është e bashkuar në koalicion, njësojë si Isa, edhe sot pioneri i tij, Lumi, ishin dhe janë edhe sot të lidhur me vrasës dhe kriminelët e PDK-së. Ju kujtohet largimi i Donika Gërvalles e cila tërhiqej zvarrë nga kuvendi, gjithashtu e larguan edhe Vjosën së bashku me 300 mijë votues e militantë të përkushtuar, arsyeja e përjashtimit të saj nga LDK ishte:
Vetëm pse Vjosa nuk ua votoi Hashimin president. Prandaj Isa, Luta dhe Agimi u hidhëruan së tepërmi dhe e nënçmuan dhe e larguan. E larguan nga frika se Vjosa po ua merr partinë. Prandaj formimi i kësaj liste ka qenë i domosdoshëm dhe pa dashjen e saj. E mira e formimit të kësaj partie është që Vjosa dhe Donika i bashkuan militantët rugovjan rreth listës Guxo, që se paku ata të grupohen rreth kësaj liste që të mos shpërndahen nëpër parti tjera…!”, shton ai.
Ai thekson se, LDK-ja në vend se me ftua Listen Guxo në zgjedhjet partiake të cilat përfunduan para pak kohe, dhe të mos i kushtëzoj ajo ashtu siç i largoi.
“LDK-ja në zgjedhjet e ardhshme nëse nuk bën koalicion me këtë parti rugovjane të cilën vet i kanë përjashtua me 300 votues, shumë vështirë e kanë me pa pushtetin me sy, për së paku edhe një dekadeë, dhe me bindje ju them se LDK në zgjedhjet e ardhshme nuk kan m’i kaluar as 12%”, potencon ai.
Geci thotë se, votusit e LDK-së ka m’i thithë lista Guxo, VV-ja dhe partitë tjera.
“Listës Guxo i uroj suksese në tregun e politikës kosovare, treg ky që deri më sot ishte kryeneq e shumë i dëmshem, i ndërtuar nga hileqarë dhe analfabetë, politikanë të cilët të vetmin qëllim e kishin plaçkitjen, hajnin, dhe fundi ju erdhi me turp. Mu për këtë populli e mbështeti Vjosën dhe Albinin, dhe sot politika kosovare dhe vet Kosova ka marrur rrugëtimin e duhur drejt demokracive evropiane dhe ruajtjes të sovranitetit, sovranitet ky të cilin tradhëtarët tentuan ta zhbëjnë”, përfundon Halil Geci.
