Deputetja Doarsa Kica-Xhelili nuk do të jetë më pjesë e partisë “Guxo”, as e shumicës qeverisëse.
Së fundi, ajo kaloi nga Lista “Guxo” në Lidhjen Demokratike të Kosovës.
Ky aderim u prit me reagime dhe kritika të shumta, ndërsa ishin vetëm partitë opozitare që e mirëpriten një gjë të tillë.
Analisti politik, Faton Mehmeti në një prononcim për “Bota sot” kritikoi aderimin e Doarsa Kica-Xhelilit, megjithatë theksoi se është i natyrshëm ndryshimi i qëndrimeve politike.
Mirëpo, në raste të tilla, sipas tij duhej dorëzuar mandati i deputetit për shkak të korrektësisë ndaj qytetarëve që e kanë votuar atë.
“Është e drejtë e secilit individ të ndryshojë mendim politikë, pavarësisht se njerëz të tillë dëshmojnë krizë të parimeve. Mirëpo, kur personi në fjalë është deputet atëherë për hir të korrektësis më e pakta që mund të bëjë është dorëzimi i mandatit të deputeti, pasi e ka fituar nën logun e dikujt që po largohet”, deklaroi ai.
Krahas kësaj, analisti potencoi se shkelje e vullnetit të qytetarit është pafytyrsëi, ku kush tradhton nëjherë, tadhton çdoherë.
“Tjetërsimi i vullnetit të qytetarëve është shkelje mbi besimin që ata të kanë ofruar, e kjo është pafytyrësi. Kush tradhton një herë tradhton çdo herë, njerëz të tillë nuk i duhen askujt”, përmbylli Faton Mehmeti për “Bota sot”.
