Gjatë ditës së sotme shqiptarët anë e mbanë trojeve, si dhe ata në diasporë kanë festuar 28 nëntorin, Ditën e Flamurit. Kjo datë u shënua me ceremoni të shumta, ku u nderuan heronjtë e kombit dhe u kujtua sakrifica e tyre për liri dhe pavarësi.
Për të ardhur deri në këtë ditë shqiptarët u përballën me vështirësi të mëdha. Madje, edhe tash që jemi në shekullin 21 ata vazhdojnë të sfidohen nga politika e padrejtë e Evropës.
Në këtë gjendje pak a shumë janë edhe shqiptarët e Maqedonisë së Veriut, që ndonëse të drejtat e tyre kanë avancuar, mbetet ende punë për t;u bërë në këtë drejtim.
Në lidhje me këtë për gazetën “Bota sot” foli, profesori nga Maqedonia, Sulejman Mehazi.
Sipas Mehazit, kjo 28 nëntori për shqiptarët në Maqedoni është më shumë festë formale sesa përmbajtjesore e cilësore.
“Festa themeltare e bazike kombëtare e "28 Nëntorit" për shqiptarët e Maqedonisë Veriore më shumë është formale e sasiore sesa përmbajtjesore e cilësore, si gjithmonë jo vetëm shqiptarët e RMV-së, por edhe të Shqipërisë e Kosovës gjatë "28 Nëntorit, në dorë mbajnë flamurin kuq e zi me shkabën në mes, por në brendësi të zemrave të tyre e largët dhe e ftohtë është "28 Nëntori", zemrat e shqiptarëve vuajnë për t'u larguar e ikur nga trojet e tyre kah sytë këmbët për të zbrazur e varfëruar "28 Nëntorin" e shqiptarëve”, u shpreh ai.
Mehazi theksoi se shqiptarët e RMV-së e presin festën më të madhe kombëtare të "28 Nëntorit" të përçarë e të copëtuar në 7- 8 parti politike.
“Për këta politikanë më të vlefshme janë flamujt, himnet dhe stemat e partive të tyre sesa flamuri, stema dhe himni i kombëtar i Ismail Qemalit. Në emër të "28 Nëntorit" partitë politike do prezantojnë patriotizmat e tyre partiake e kurrsesi ato kombëtare. "Avansimi" i shqiptarëve në RMV gjatë festës së shenjtë të "28 Nëntorit" nuk do jetë për zhbërjen e 20% shit të shqiptarëve nga kushtetuta, por futjen e pakicës bullgare në kushtetutën e RMV-së”, u shpreh ai.
Nga ana tjetër, ai tha se "avancimi" i shqiptarëve nuk do jetë gjuha e qind për qind zyrtare e shqipes, por gjuha e qind për qind bullgare në kushtetutën e RMV-së/
“"28 Nëntori" do t'i pres funksionarët shqiptarë me rritjen e 75% të rrogave të tyre, pushtetarët shqiptarë "28 Nëntorin" do ta festojnë gëzueshëm për shkak pezullimit të veprave të tyre kriminale për t'u mos u burgos si shkak për të shpëtuar pushtetarët e korruptuar së pari pezullojnë veprat kriminale të ish kryeministrit maqedonas Gruevskit për t'u kthyer në RMV si i pafajshëm, kurse burgosja dhe vuajtja e dënimeve të shqiptarëve nëpër burgjet maqedonase nuk falet nga gjyqet maqedonase.
Aq janë "avansuar" shqiptarët sa që festa e madhe e "28 Nëntorit" në RMV nuk është festë shtetërore, por ditë pune”, përfundoi ai.
